موسم سرما کے آتے ہی خیبر پختونخوا میں گیس کے بحران نے سر اٹھا لیا ہے غیر اعلانیہ لوڈ شیڈنگ کا دورانیہ مزید طویل کردیا گیا ہے گیس کے کم پریشر کے باعث  شہریوں کو شدید پریشانی کا سامنا ہے۔

 تفصیلات کے مطابق صوبائی دارلحکومت پشاور سمیت خیبرپختونخوا کے دیگر اضلاع میں   گیس کی لوڈ شیڈنگ شروع کردی گئی ہے غیر اعلانیہ گیس لوڈ شیڈنگ سے گھریلو صارفین کو اسکول کے اوقات کے دوران ناشتہ اور دیگر اوقات میں کھانا بنانے میں شدید  دوشواری کا سامنا کرنا پڑرہا ہے۔

 بول نیوز کی رپورٹ کے مطابق شہری گیس کے لیئے متابدل کے طور پر سیلنڈر یا لکڑیاں جلا کر کھانا بنانے پر مجبور ہوگئے ہیں  تاہم  دیگر چھوٹے ہوٹل اور ڈھابوں میں بھی گیس کا فقدان کاروبار کو متاثر کررہا ہے۔

’ صوبے میں گیس کی لوڈ شیڈنگ نہیں کی جارہی ہے، گیس حکام

بول نیوز کو ذرائع نے  مزید بتایا کہ  اس حوالے سے گیس حکام کا کہنا  یہی ہے کہ گیس کی لوڈ شیڈنگ نہیں کی جارہی ہے، صوبے بھر میں گیس کی سپلائی اور ڈیمانڈ  کی وجہ سے  سی این جی اور گھریلو صارفین کو بلا تعطل گیس کی فراہمی  جاری ہے تاہم رات کے اوقات میں گیس کے زیادہ استعمال کی وجہ سے گیس پریشر میں کمی واقع ہوجاتی ہے۔