احسن اقبال نے کہا ہے کہ موسمیاتی تبدیلی کے اثرات فسانہ نہیں ایک حقیقت ہیں۔
تفصیلات کے مطابق وفاقی وزیر منصوبہ بندی و ترقی احسن اقبال نے پریس کانفرنس کرتے ہوئے کہا کہ پاکستان میں 20 پسماندہ اضلاع کو پائیدار ترقی سے آگے لانے کا منصوبہ شروع کیا گیا ہے۔
احسن اقبال نے کہا کہ پاکستان میں ہر منصوبے کی منظوری کے لئے لازمی ہے کہ وہ ماحولیاتی معیار پر پورا اترتا ہو۔
ان کا کہنا تھا کہ پاکستان کا گلوبل وارمنگ میں ایک فیصد سے کم حصہ ہے ،پاکستان اس وقت ان سات ممالک میں شامل ہے جو ماحولیاتی تبدیلی کا بدترین شکار ہیں۔
وفاقی وزیر منصوبہ بندی و ترقی کا یہ بھی کہنا تھا کہ موسمیاتی تبدیلی پاکستان میں ریکارڈ گرمی، طوفانی بارشوں اور سیلاب کا باعث بنی،
احسن اقبال نے کہا کہ موسمیاتی تبدیلی کے اثرات فسانہ نہیں ایک حقیقت ہیں ، موسمیاتی تباہی کا پاکستان میں 33 ملین افراد پر براہ راست اثر پڑا۔
ان کا کہنا تھا کہ عالمی مالیاتی نظام موسمیاتی تبدیلی کے ایجنڈے سے نمٹنے میں ناکام ہے،عالمی سطح پر موسمیاتی تبدیلی سے ہم آہنگ انفراسٹرکچر کے کئے فنڈ قائم کیا جائے۔
احسن اقبال کا یہ بھی کہنا تھا کہ ترقی یافتہ ممالک کو اپنی ذمہ داری پوری کرنی ہو گی ورنہ تباہی ان کو بھی پکڑے گی، ہمیں اپنی نسلوں کے لئے موسمیاتی ماحول کو بچانا ہے۔
وزیر منصوبہ بندی و ترقی احسن اقبال کا مزید کہنا تھا کہ موسمیاتی تبدیلی کے منفی اثرات سے نمٹنے کے لئے ترقی پذیر ممالک اپنے تجربات کا تبادلہ کریں،امیدکرتے ہیں کہ عالمی برادری تعمیر نو اوربحالی کے کاموں میں پاکستان کی مدد کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News