بول ذرائع  کے مطابق  آج اعلی ثانوی تعلیمی بورڈ کے تحت انٹرمیڈیٹ پری میڈیکل کے نتائج کا اعلان کردیا گیا ہے جس کے مطابق  پری میڈیکل میں کامیابی کا تناسب 58.77 فیصد رہا۔

  تفصیلات کے مطابق انٹرمیڈیٹ حصہ دوم سائنس پری میڈیکل گروپ کے سالانہ امتحانات برائے 2022ء کے نتائج کا اعلان آج ہفتہ 26 نومبر 2022ء کو  گیارہ بجے ککردیا گیا ہے۔ نتائج کے اعلان کے فوری بعد بورڈ کی ویب سائٹ  www.biek.edu.pk  پر بھی نتائج لوڈ کردئے گئے ہیں۔

بول نیوز کی رپورٹ کے مطابق امتحانات میں کل 24608 طلبہ نے رجسٹریشن کروائی تھی جن میں سے24151 اُمیدواروں نے امتحانات میں شرکت کری۔ جن میں اے ون گریڈ حاصل کرنے والے 2 ہزار چھ سو چوراسی امیدوار کامیاب ہوئےتاہم اس سال پری میڈیکل میں کامیابی کا تناسب 58.77 فیصد بتایا جارہا ہے۔

 اس سال دوسری اور تیسری پوزیشن پر بیک وقت دو طلبہ یکساں نمبروں کے ساتھ کامیاب ہوئے ہیں

پہلی پوزیشن آدمجی کالج کے محمد افان نے 94.55 فیصد نمبر لے کر حاصل کی جبکہ دوسری پوزیشن عائشہ جلیل نے 94.08 فیصد مارکس لےکر حاصل کی البتہ دوسری پوزیشن پر ایک اور امیدوار مہوش سرور بھی کامیاب قرار پائیں۔ علاوہ ازیں

تیسری پوزیشن پر بھی دو امیدوار ایک ساتھ کامیاب قرار پائے ہیں جن میں ایک ہمایوں احمد اور  دوسری حریم اعجاز ہیں جنھوں نے 94 فیصد مارکس  لے کر تیسری پوزیشن حاصل کی ۔