سراج الحق نے کہا ہے کہ جماعت اسلامی اہل بلوچستان کے حقوق کا مقدمہ لڑتی رہے گی۔
تفصیلات کے مطابق امیر جماعت اسلامی سراج الحق نے کہا کہ لسبیلہ کے لوگوں نے پوری زندگی ان کو وقف کر دیا مگر بدلے میں ان کو دکھ درد کے علاوہ کچھ نہ ملا۔
انہوں نے کہا کہ سیلاب کے بعد عوام کا کوئی پرسان حال نہیں، عوام بیماریوں میں تڑپ رہی ہے، سیلاب کے بعد حالات نہیں بدل سکے اس مشکل وقت میں ساری دنیا رو پڑی مگر بلوچستان حکومت والوں کو ترس بھی نہیں آیا۔
سراج الحق نے یہ بھی کہا کہ سیلاب کے بعد لسبیلہ کی قسمت نہ بدلی مگر لسبیلہ کے ذمہ داران کے اکاؤنٹس بھر گئے،لسبیلہ میں ہم نے خیمہ بستیاں قائم کیں ہم نے لوگوں کی مشکل گھڑی میں مدد کی اور ہر وقت لسبیلہ کی عوام کے ساتھ کھڑے ہیں۔
امیر جماعت اسلامی کا کہنا تھا کہ سیلاب کے پانی کی وجہ سے لوگوں کے گھروں میں گیا جس کو نکاسی نہ ہونے کی وجہ سے بلوچستان حکومت نے کوئی اقدامات نہیں کئے۔
ان کا یہ بھی کہنا تھا کہ لسبیلہ کے لوگوں کے گھروں کی تعمیر کیلئے رقم دیں انہیں روزگار دیں، بلوچستان کی عوام اسلامی نظام اور جماعت اسلامی کی کامیابی کیلئے جدوجہد میں ساتھ دیں۔
سراج الحق نے کہا کہ حکمرانوں کئی سالوں سے بلوچستان میں تعلیم صحت عام نہیں ہونے دی، لسبیلہ کے اسکول تباھ ہوگئے ہیں کورونا وائرس کے بعد ملک خاص کر لسبیلہ کو سیلاب نے تباہ کیا اور تعلیم صحت متاثر ہوئی۔
انہوں نے یہ بھی کہا کہ پاکستان کے تمام صوبوں میں سب سے بڑا ظلم بلوچستان سے ہے، بلوچستان کے حکمران اپنے جیب سے نہ کچھ دیں مگر باہر سے آئے ہوئے سامان تو دیں۔
امیر جماعت اسلامی کا کہنا تھا کہ بلوچستان کے حکمرانوں کی اولادیں جب خیموں میں رہیں گی تو ان کو احساس ہوگا۔
ان کا یہ بھی کہنا تھا کہ اقوام متحدہ کے سیکریٹری یہاں سے جاکر روئے بڑی تباہی آئی مگر حکمرانوں نے عوام کو کچھ نہیں دیا، لسبیلہ کے سیلاب متاثرین رو رہے ہیں کہ حکومتوں نے مدد نہیں کی۔
انہوں نے کہا کہ صوبے کے عوام کو جاننے کا حق ہے کہ حکمران ان کے لیے کیا کر رہے ہیں، جماعت اسلامی اہل بلوچستان کے حقوق کا مقدمہ لڑتی رہے گی۔
امیر جماعت اسلامی سراج الحق نے مزید کہا کہ ریکوڈک سمیت بلوچستان کی ترقی سے متعلق بیرونی ممالک سے کیے گئے تمام منصوبوں کو پبلک کیا جائے، وسائل پر صوبے کا پہلا حق تسلیم کیا جائے اور حصہ فراہم کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News