ٹی ٹوئنٹی ورلڈ کپ میں پاکستان اور نیوزی لینڈ کے مابین سیمی فائنل کے لیے سابق کپتان شاہد آفریدی نے بابر اعظم کو اہم مشورہ دے دیا۔
تفصیلات کے مطابق ایک نجی ویب سائٹ کا کہنا ہے کہ پاکستان کے سابق کپتان شاہد آفریدی نے آؤٹ آف فارم بابر اعظم کو مشورہ دیا ہے کہ وہ سیمی فائنل میں ون ڈاؤن کی پوزیشن پر کھیلیں جبکہ محمد حارث کو اوپننگ بلے باز کے طور پر ترقی دیں۔
واضح رہے کہ عالمی کرکٹ کے ٹاپ بلے بازوں میں سے ایک بابر اعظم کی ورلڈ کپ میں انتہائی مایوس کن کارکردگی رہی ہے اور اس عالمی ایونٹ میں بابر اعظم نے 61 کے اسٹرائیک ریٹ سے صرف 5 اننگز میں صرف 39 رنز بنائے ہیں۔
پاکستانی کپتان کو بھی کل بنگلہ دیش کے خلاف اہم میچ میں بھی اپنی تال تلاش کرنے کے لیے جدوجہد کرنا پڑی، جہاں انھوں نے 33 گیندوں پر 25 رنز بنائے اور گیند کو ہیو کرنے کی کوشش میں شارٹ تھرڈ مین ریجن میں کیچ آؤٹ ہو گئے۔
دوسری جانب نوجوان محمد حارث اب تک تیسرے نمبر پر بیٹنگ کرتے ہوئے متاثر کن اننگز کھیل چکے ہیں۔
محمد حارث نے جنوبی افریقہ کے تیز بولرز کا بے خوفی سے سامنا کیا اور 11 گیندوں پر تیز رفتار 28 رنز بنائے اور کل بنگلہ دیش کے خلاف 18 گیندوں پر 31 رنز بنا کر ٹیم کی کامیابی میں اہم کردار ادا کیا۔
سابق کپتان شاہد خان آفریدی نے بابر اعظم کو مشورہ دیا کہ ہمیں بلے بازوں کے ساتھ سب سے اوپر فائر پاور کی ضرورت ہے جو حارث اور شاہداب جیسے کھلاڑیوں میں موجود ہے۔
آفریدی نے کہا کہ براہ کرم حارث کو بطور اوپننگ پر غور کریں اور آپ ون ڈاون آئیں، انہوں نے مزید کہا کہ آپ کو میچ جیتنے کے لیے سخت اور متوازن بیٹنگ لائن کی ضرورت ہے۔
واضح رہے کہ ٹی ٹوئنٹی ورلڈ کپ میں کل ایک بڑا اپ سیٹ اس وقت ہوا جب نیدرلینڈز نے جنوبی افریقہ کو 13 رنز سے شکست دی جس کا نتیجہ پاکستان کے حق میں نکلا، جس نے پھر بنگلہ دیش کو شکست دے کر ٹورنامنٹ کے سیمی فائنل میں جگہ بنالی۔
پاکستان اب پہلے سیمی فائنل میں بدھ کو سڈنی کرکٹ گراؤنڈ میں نیوزی لینڈ سے ٹکرائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News