حکومت نے پیٹرولیم مصنوعات کی قیمتیں برقرار رکھنے کا اعلان کیا ہے۔
تفصیلات کے مطابق حکومت نے پیٹرولیم مصنوعات کی قیمتیں برقرار رکھنے کا اعلان کردیا ہے، آئندہ 15 روز تک پیٹرولیم مصنوعات کی موجودہ قیمتیں برقرار رہیں گی۔
اس موقع پر وزیرخزانہ اسحاق ڈار نے میڈیا سے گفتگو کرتے ہوئے کہا کہ وزیراعظم شہباز شریف کی ہدایت اور مشاورت سے حکومت نے پیٹرولیم مصنوعات کی موجودہ قیمتیں برقرار رکھنے کا فیصلہ کیا ہے۔
اسحاق ڈار کا کہنا تھا کہ پیٹرول، ڈیزل، کیروسین آئل اور لائٹ ڈیزل کی قیمتوں میں کوئی ردوبدل نہیں کیا جائے گا، اب 30 نومبر تک پٹرولیم مصنوعات کی قیمتوں میں کوئی ردوبدل نہیں ہوگا۔
وزیرخزانہ محمد اسحاق ڈار نے کہا کہ سٹیٹ بینک اور نیشنل بینک آف پاکستان نے وفاقی شرعی عدالت کے سود سے متعلق فیصلہ کے خلاف اپیلوں کی واپسی کیلئے آج عدالت عظمی میں باقاعدہ طور درخواستیں بھی دائر کردی ہے۔
دوسری جانب پاکستان اور آئی ایم ایف کے درمیان نویں جائزے کے مذاکرات نومبر کے آخر میں ہونے کا امکان ہے۔
ذرائع وزارت خزانہ کے مطابق آئی ایم ایف نے پاکستان سے ٹیکس ٹو جی ڈی پی شرح بڑھانے کا مطالبہ کیا ہے، آئی ایم ایف مطالبے کے باوجود پاکستان نئے ٹیکس نہیں لگائے گا۔
ذرائع وزارت خزانہ کا کہنا ہے کہ آئی ایم ایف کے ساتھ مذاکرات میں تاخیر ملکی سیاسی صورتحال کے باعث ہوئی ہے۔
ذرائع وزارت خزانہ کا مزید کہنا ہے کہ ملک میں سیلاب کی صورتحال کی وجہ سے آئی ایم ایف سے اہداف کے حصول میں چھوٹ طلب کی گئی ہے، آئی ایم ایف سے ڈیٹا شیئرنگ کا عمل جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News