صدر مملکت ڈاکٹر عارف علوی نے معروف عالم دین اور صدر جامعہ دار العلوم کراچی مفتی رفیع عثمانی کے انتقال پر افسوس کا اظہار کیا ہے۔
صدر مملکت نے مفتی رفیع عثمانی کی وفات پر گہرے رنج و غم کا اظہار کیا جبکہ صدر مملکت نے مرحوم کی دینی اور علمی خدمات کو خراج عقیدت پیش کی۔
اس موقع پر صدر مملکت ڈاکٹر عارف علوی نے کہا کہ مفتی رفیع عثمانی نے فقہ، حدیث اور تفسیر کے شعبے میں گراں قدر خدمات انجام دیں۔
ڈاکٹر عارف علوی نے یہ بھی کہا کہ مفتی رفیع عثمانی کی دینی اور علمی خدمات، دینی علم کے فروغ میں خدمات کو یاد رکھا جائے گا۔
صدر مملکت ڈاکٹر عارف علوی نے مرحوم کیلئے دعائے مغفرت، ورثاء سے تعزیت کا اظہارِ کیا جبکہ صدر مملکت نے مرحوم کیلئے بلندی درجات، لواحقین کیلئے صبر جمیل کی دعا بھی کی۔
واضح رہے کہ معروف عالم دین مفتی محمد رفیع عثمانی کراچی میں انتقال کرگئے، مفتی محمد رفیع عثمانی طویل عرصہ سے علیل تھے اور انتہائی نگہداشت میں تھے۔
مرحوم مفتی محمد رفیع عثمانی مفتی اعظم پاکستان تھے جبکہ مرحوم شفیع عثمانی کے بیٹے اور مفتی تقی عثمانی کے بڑے بھائی تھے۔
مفتی محمد رفیع عثمانی وفاق دارالمدارس العربیہ کے سرپرست اعلیٰ تھے۔
علاوہ ازیں مفتی رفیع عثمانی کے بھتیجے سعود عثمانی نے فیس بک پوسٹ کے ذریعے ان کی موت کی تصدیق کی۔
سعود عثمانی کا کہنا ہے کہ کس دل سے کہوں کہ میرے محبوب چچا مفتی اعظم پاکستان مولانا محمد رفیع عثمانی ابھی کچھ دیر قبل انتقال فرما گئے، انا للہ و انا الیہ راجعون۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News