سابق وزیراعظم عمران خان کا کہنا ہے کہ اسٹیبلشمنٹ کی حمایت مجھے نہیں مسلم لیگ (ن) اور پیپلزپارٹی کو درکار ہے، میں صرف شفاف الیکشن چاہتا ہوں۔
چیئرمین تحریک انصاف عمران خان نے لاہور میں اپنی رہائش گاہ زمان پارک میں سینئر صحافیوں سے ملاقات کی۔ صحافیوں سے ملاقات میں سابق وزیراعظم نے لانگ مارچ اور ملکی سیاسی حالات پر گفتگو کی۔
اس موقع پر چیئرمین پی ٹی آئی عمران خان نے صحافیوں کو اپنی زندگی سے لاحق خطرات اور حملے کے حوالے سے آگاہ کیا۔
سابق وزیراعظم کا کہنا تھا کہ حکمرانوں نے ای وی ایم کی اس لئے مخالفت کی کیوں کہ انہیں معلوم تھا کہ میں جیت جاؤں گا اور اگر مجھے اسٹیبلشمنٹ کی مدد چاہئیے ہوتی تو ای وی ایم پر کیوں انحصار کرتا۔
انہوں نے کہا کہ نواز شریف کو بلانے کی کوشش ہو رہی ہے تاکہ ایک جیسا ماحول دینے کا تاثر دیا جاسکے تاہم ای وی ایم کے بغیر بھی انتخاب ہوتے ہیں تو انشاءاللہ ہم جیتیں گے۔
عمران خان کا کہنا تھا کہ جس قدر عوام ہمارے ساتھ ہے انشاءاللہ دو تہائی اکثریت ملے گی اور ہماری مقبولیت کو دیکھتے ہوئے اسی خوف سے یہ انتخابات نہیں کروا رہے ۔
چیئرمین پی ٹی آئی نے کہا کہ میں فوج کے ساتھ کھڑا ہوں فوج میری ہے، یہ لوگ مجھے فوج کے سامنے کھڑا کرنا چاہتے ہیں ایسا کبھی نہیں ہوگا جب کہ ملک کو درپیش پیش مسائل کا حل شفاف انتخابات میں ہے۔
سابق وزیراعظم کا کہنا تھا کہ اسٹیبلشمنٹ کی حمایت مجھے نہیں مسلم لیگ (ن) اور پیپلزپارٹی کو درکار ہے، میں صرف شفاف الیکشن چاہتا ہوں اور جو ڈگی میں چھپ کر ملتا ہے اس سے کیا مذکرات ہوں گے ۔
عمران خان نے مزید کہا کہ میں لانگ مارچ کو لیکر چل رہا ہوں لیکن مجھے جلدی نہیں، البتہ اسلام آباد والوں کو زیادہ جلدی ہے جب کہ لانگ مارچ کی ٹائمنگ خود طے کروں گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News