آئی سی سی نے ٹی ٹوئنٹی انٹرنیشنل رینکنگ جاری کر دی ہے جس کے مطابق بابر اعظم ایک درجہ ترقی کے بعد تیسرے نمبر پہنچ گئے۔

تفصیلات کے مطابق بھارت کے مڈل آرڈر بلے باز سوریہ کمار یادیو نے ایم آر ایف ٹائرز آئی سی سی مینز ٹی ٹوئنٹی بیٹنگ رینکنگ میں اپنی پوزیشن کو برقرار رکھا ہے، کپتان بابر اعظم ایک درجہ ترقی کے بعد تیسرے نمبر پر پہنچ گئے ہیں۔

آئی سی سی ٹی ٹوئنٹی بیٹنگ رینکنگ میں انگلینڈ کے کئی ستاروں نے بھی اپنی پیش قدمی جاری رکھی ہے۔

ورلڈ کپ کے سپر 12 مرحلے میں سوریہ کمار یادیو پہلے بلے بن گئے ہیں جنہوں ورلڈ کپ کے دوران شاندار کارکردگی کا مظاہرہ کرتے ہوئے پانچ اننگز میں 3 نصف سنچریز اسکور کیں۔

سوریہ کمار کی اس کارکردگی نے اسے 869 پوائنٹس کی کیریئر کی بہترین درجہ بندی حاصل کرنے میں مدد کی۔

اگرچہ انگلینڈ کے خلاف سیمی فائنل میں 14 رنز پر آؤٹ ہونے کے بعد سوریہ کمار کی ریٹنگ 859 تک گر گئی تھی لیکن ان کی پوزیشن مستحکم رہی کیونکہ ان کے آس پاس کے دیگر بلے باز کوئی دلکش پرفارمنس پیش کرنے میں ناکام رہے۔

سوریہ کمار یادیو نے ورلڈ کپ کے دوران بالترتیب 59.75 اور 189.68 کی شاندار اوسط اور اسٹرائیک ریٹ سے تین نصف سنچریز کی بدولت 239 رنز بنائے اور ایونٹ میں تیسرے سب سے زیادہ رنز بنانے والے کھلاڑی بھی رہے۔

انگلینڈ کے ایلکس ہیلز جنہوں نے بھارت کے خلاف سیمی فائنل میں 47 گیندوں پر ناقابل شکست 86 رنز بنائے تھے، رینکنگ میں بھی ایک بڑی چھلانگ لگاتے ہوئے دیکھے گئے کیونکہ وہ 22 درجہ ترقی پا کر 12 ویں نمبر پر پہنچ گئے۔

ایلکس ہیلز نے ٹی ٹوئنٹی ورلڈ کپ میں 42.40 کی اوسط سے 212 رنز بنائے۔

ہیلز نے اس سال کے شروع میں انگلینڈ کی ٹیم میں واپسی کے بعد سے ہی شاندار فارم میں ہیں۔ اس نے 2022 میں 430 رنز بنائے، 30.71 کی بہترین اوسط اور 145.27 کے اتنے ہی اچھے اسٹرائیک ریٹ پر۔

ٹاپ 10 میں ترقی کرنے والے دیگر بلے باز بابر اعظم اور ریلی روسو ہیں۔ پاکستانی کپتان نے نیوزی لینڈ کے خلاف سیمی فائنل میں میچ وننگ ففٹی اسکور کی، جس سے وہ ایک درجہ ترقی کر کے تیسرے نمبر پر پہنچ گئے۔

 جنوبی افریقہ کے بلے باز روسو بھی ساتویں نمبر پر پہنچ گئے جب کہ نیوزی لینڈ کے گلین فلپس آٹھویں نمبر پر چلے گئے۔ روسو نے ٹی ٹوئنٹی ورلڈ کپ میں بنگلہ دیش کے خلاف شاندار سنچری اسکور کی تھی۔

سوریہ کمار اور بابر کے علاوہ ٹاپ فائیو میں محمد رضوان، ڈیون کونوے اور ایڈن مارکرم شامل ہیں۔

رضوان اور مارکرم دونوں بالترتیب اپنی دوسری اور پانچویں پوزیشن کو برقرار رکھنے میں کامیاب رہے ہیں، جبکہ کونوے بابر سے درجہ بندی میں اپنی تیسری پوزیشن کھونے کے بعد چوتھے نمبر پر آ گئے۔

بولنگ چارٹ میں عادل رشید کو بھارت کے خلاف سیمی فائنل اور پاکستان کے خلاف فائنل میں غیر معمولی کارکردگی کے بعد سب سے زیادہ فائدہ ہوا۔ راشد نے دو میچوں میں بالترتیب 1/20 اور 2/22 کے اعداد و شمار درج کیے اور پانچ پوائنٹس حاصل کر کے نمبر 3 پر پہنچ گئے۔

پاکستان کے خلاف فائنل میں 3/12 کی پلیئر آف دی میچ کی کارکردگی کے بعد، اس کے ہم وطن سیم کورن نے بھی 5 نمبر پر جانے کے لیے دو درجہ ترقی کی۔ ونندو ہسرنگا بدستور ٹاپ رینکنگ باؤلر بنے ہوئے ہیں، اور اس کے بعد راشد خان ہیں۔

آل راؤنڈرز کی رینکنگ میں شکیب الحسن، محمد نبی اور ہاردیک پانڈیا بدستور پہلے تین نمبرز پر براجمان ہیں۔