کرکٹ کی ایک مقامی ویب سائٹ کے مطابق پی سی بی نے مبینہ طور پر محمد حسنین کو ایل پی ایل کے لیے این او سی دینے سے انکار کر دیا ہے۔

کرکٹ ویب سائٹ کی رپورٹ کے مطابق پاکستان کرکٹ بورڈ (پی سی بی) نے مبینہ طور پر محمد حسنین کو این او سی دینے سے انکار کر دیا ہے جو لنکا پریمیئر لیگ (ایل پی ایل) کے آئندہ ایڈیشن میں کھیلنے کے لیے تیار تھے۔

رپورٹ میں بتایا گیا ہے کہ اس کی وجہ 10 دسمبر سے 3 جنوری تک کراچی میں شیڈول آئندہ پاکستان کپ ہے جس میں پی سی بی حسنین کو شامل کرنا چاہتا ہے۔

نوجوان فاسٹ بولر کو گال گلیڈی ایٹرز کے لیے کھیلنا تھا، جس کی ملکیت انہی لوگوں کی ہے جو کوئٹہ گلیڈی ایٹرز کے مالک ہیں ان کی جگہ پاکستان کے تجربہ کار تیز گیند باز وہاب ریاض کو متبادل ٹیم میں شامل کیا گیا ہے۔

ایل پی ایل میں وہاب ریاض کے علاوہ اسد شفیق، افتخار احمد، عماد وسیم اور انور علی گلیڈی ایٹرز کی نمائندگی کریں گے۔ شعیب ملک جافنا کنگز کی جانب سے کھیلیں گے۔

حیدر علی اور احمد دانیال ڈمبولا  کے ڈریسنگ روم میں نظر آئیں گے۔

ٹورنامنٹ کا فائنل 23 دسمبر کو کولمبو میں کھیلا جانا ہے۔