وزیر ثقافت سردار شاہ نے کہا ہے کہ سندھ ہمیشہ آرٹ اور کلا کی سرزمین رہی ہے۔
تفصیلات کے مطابق وزیر ثقافت و تعلیم سندھ سید سردار شاہ نے کراچی آرٹس کاؤنسل منعقدہ “پندرھویں عالمی اردو کانفرنس” کے موقع پر اظہار خیال کرتے ہوئے کہا کہ آرٹ، علم، ادب اور تخلیق ہی انسان کی اصل اساس ہے، موہین جو دڑو سے ملنے والے چیزوں میں میوزیکل آلات ملے۔
انہوں نے کہا کہ سندھ ہمیشہ آرٹ اور کلا کی سرزمین رہی ہے، پاکستان کے سب علاقوں کی نسبت سندھ میں ثقافتی اور ادبی ایکٹیوزم بہت زیادہ رہا ہے۔
وزیر ثقافت و تعلیم سندھ نے یہ بھی کہا کہ ہم نے ادب کے سب گلدستوں کو اپنے ساتھ رکھا ہوا ہے، سندھ نے سچل سرمست کی شاعری کو ساتھ رکھا اور اور میر تقی میر کی شاعری کو بھی۔
ان کا کہنا تھا کہ سندھ پہلا صوبہ ہے جہاں آرٹ کو فروغ دینے کے لیے میوزک ٹیچرز بھرتی کئے جا رہے ہیں، ادبی اور ثقافتی سرگرمیوں سے اس خطے کی اصل شان کو بحال کرنے میں مدد ملے گی۔
سردار شاہ کا یہ بھی کہنا تھا کہ سندھ میں آرٹس کاؤنسلز کا نیٹ ورک بنانے جا رہے ہیں۔ کراچی، حیدرآباد، سکھر، لاڑکانہ اور میرپورخاص آرٹس کاؤنسلز میں اب عوام کی بات ہوگی۔
وزیر ثقافت و تعلیم سندھ سید سردار شاہ کا مزید کہنا تھا کہ چیئرمین بلاول بھٹو قیادت اور وزیر اعلیٰ سید مراد علی شاہ کی مدد سے سندھ کو ثقافتی سرگرمیوں کا گہوارہ بنائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News