نیر حسین بخاری نے کہا ہے کہ جمہوری نظام کے تسلسل میں  معاشی استحکام بڑھ رہا ہے۔

تفصیلات کے مطابق سیکرٹری جنرل پیپلز پارٹی سید نیر حسین بخاری نے میڈیا سے گفتگو کرتے ہوئے کہا کہ اسمبلیاں توڑنے کی خواہش پالنے والے کے اپنے ممبران اور اتحادی بازو مروڑ رہے ہیں۔

نیر حسین بخاری نے کہا کہ عمران خان انصاف کے بول بالا کرنے اور قانون کی حکمرانی کے خوف میں مبتلا ہو کر بوکھلا گیا ہے۔

سیکرٹری جنرل پیپلز پارٹی نے یہ بھی کہا کہ اداروں کو تقسیم اور بغاوت پر اکسانے کا مجرم اداروں کو جانبدار نہ رہنے کی دعوت دے رہا ہے۔

  ان کا کہنا تھا کہ فرد واحد کا دور معاشی تباہی اور بے روزگاری کا سیاہ دور تھا، جمہوری نظام کے تسلسل میں  معاشی استحکام بڑھ رہا ہے۔

نیر حسین بخاری کا یہ بھی کہنا تھا کہ عمران خائن کی زاتی ملازمہ صوبائی حکومت دور میں مالاکنڈ بنوں ہی نہیں۔ پورا صوبہ دہشتگردوں کے کنٹرول میں ہے۔

انہوں نے کہا کہ پی ٹی آئی دور میں وزیراعظم  عمران خان طالبان کے سرپرست اور کابینہ ممبران سہولت کار تھے، سیکرٹری جنرل اقوام متحدہ اور عالمی رہنما وزیر خارجہ بلاول بھٹو کے تدبر کے معترف ہیں۔

 سیکرٹری جنرل پیپلز پارٹی سید نیر حسین بخاری نے مزید کہا کہ وزیر خارجہ بلاول بھٹو زرداری نے اقوام عالم میں ملک کے جمہوری ثشخص کو اجاگر کیا ہے، عمران خان بلاول بھٹو زرداری کے سیاسی قد کا کیا مقابلہ کریں گا۔