پاکستان کرکٹ ٹیم کے پیسر حارث رؤف کے پنڈی میں انجرڈ ہونے کے بعد ایک اور اہم کھلاڑی کی بھی شرکت ملتان ٹیسٹ میں مشکوک ہے۔

تفصیلات کے مطابق انگلینڈ کے خلاف کل شروع ہونے والے ملتان ٹیسٹ کے لیے قومی اسکواڈ کی ہوٹل میں مشاورت کی گئی ہے، جس میں کل ہونے والے ٹیسٹ کے لیے ٹیم سلیکشن پر بات چیت ہوئی۔

ذرائع کے مطاب پاکستان ٹیم سے کل سینئیر بلے باز اظہر علی کو ڈراپ کیے جانے کا امکان ہے، ذرائع کا کہنا ہے کہ تجربہ کار اظہر علی کو ناقص کارکرگی کی بنیاد پر ملتان ٹیسٹ میں باہر بٹھانے پر غور کیا جا رہے۔

راولپنڈی ٹیسٹ میں پاکستان ٹیم کے اہم بولر حارث رؤف کے انجری کے بعد نسیم شاہ کی بھی ملتان ٹیسٹ میں شرکت مشکوک ہو گئی ہے۔

فاسٹ بولر نسیم شاہ کی جگہ فہیم اشرف کو اسکواڈ میں شامل کیے جانے کا امکان ہے، جبکہ زخمی حارث رؤف کی جگہ اسپنر ابرار احمد کو میدان میں اتارنے کا منصوبہ بھی زیر غور ہے۔

راولپنڈی کی پچ پر ہونے والی شدید تنقید کے بعد پاکستان ٹیم اتنظامیہ نے ملتان ٹیسٹ کے لیے اسپن وکٹ تیار کرائی ہے۔