کراچی کی نجی یونیورسٹی میں تین روزہ عالمی کانفرنس میں ’’موسمیاتی بحران سے مقابلہ‘‘ کا انعقاد کیا گیا۔

ممتاز سماجی سائنسدان ڈاکٹر قرة العین بختیاری نے نجی یونیورسٹی میں انسٹی ٹیوٹ آف فیوچراسٹڈیز کے زیراہتمام 3 روزہ عالمی کانفرنس ”موسمیاتی بحران سے مقابلہ “ میں شرکت کی۔

انہوں نے پہلے روز کے سیشن سے خطاب میں کہا کہ انسانیت کی خدمت کرنا ایک بڑا اقدام ہے۔ پاکستا ن کے حالات بہت خراب ہیں اور دنیا بھر کوپاکستان کی مدد کرنا بے حد ضروری ہے اور پوری دنیا میں موسمیاتی انصاف کی ضرورت ہے۔

اپنے خطاب میں انھوں نے تین روزہ عالمی کانفرنس کو منعقد کروانے پریونیورسٹی کے وائس چانسلر وسیم قاضی، ڈین سوشل سائنسز پروفیسر شمس حامد اورسلمان کھٹانی کی کاوشوں کو سراہا۔

ڈاکٹر کرسٹین فائفر پروگرام اسپیشلسٹ فیوچر لٹریسی یونیسکو نے پیرس سے آن لائن خطاب میں کہا کہ فارسائٹ نیٹ ورک کے اندر اپنے موجودہ کام کے بارے میں کچھ بصیرتیں بانٹنا چاہتی ہوں اور یونیسکو کے اقوام متحدہ کے ماحولیاتی نظام کے اندر فیوچرز پر ہنر مندی میں اپنا حصہ ڈالنے کے منصوبے پر بھی کام کررہی ہوں جس میں یو این گلوبل پلس کے ساتھ ایک پروجیکٹ شامل ہے۔

سوشل سائنسز کے ڈین ڈاکٹر شمس حامد نے کہا کہ اس کانفرنس میں ہم پاکستان سے ورلڈ فیوچر ڈے 2022 منا رہے ہیں۔  اس کانفرنس میں چین، امریکہ، برطانیہ، کینیڈا، جرمنی، فرانس، اٹلی،ا سپین، نیدرلینڈ، ناروے،پیرس، سوئٹزرلینڈ، مونٹی نیگرو، فلپائن سے بین الاقوامی تنظیمیں، معروف بین الاقوامی تھنک ٹینکس، سائنسدان، دانشور، ماہرین تعلیم، سماجی کارکنان ، کمیونٹی ورکرزو سوشل ورکرز اور ماہرین بھی آن لائن حصہ لے رہے ہیںجو کہ ایک خوش آئند اقدام ہے اور ہم آگے بھی اس طرح کی کانفرنسز منعقد کرواتے رہیں گے۔

ماہرتعلیم ڈاکٹر امتیاز عارف نے کہا کہ بانی چانسلر اقرا یونیورسٹی حنید لاکھانی کا خواب پورا ہوگیا پاکستان بھر میں اقراءیونیورسٹی کے بے شمار کیمپسز قائم کئے جاچکے ہیں جس میںبڑی تعداد میں نوجوانون طلباءو طالبات تعلیم حاصل کررہے ہیں۔

انہوں نے کہا کہ میں بانی چانسلر حنید لاکھانی مرحوم کو خراج تحسین پیش کرتا ہوں ۔ ان کی انسانی خدمات کمال ہیں اور اس یونیورسٹی میں بے شمار نوجوان طلباءو طالبات کے تعداد میں تعلیم حاصل کر کے اپنے بہتر مسقبل کی جانب بڑھ رہے ہیں۔