شیخ رشید نے کہا ہے کہ انتخابات کے بعد معاشی استحکام آنے کی گارنٹی ہے۔
تفصیلات کے مطابق پاکستان تحریک انصاف کے رہنما شیخ رشید احمد نے زمان پارک کے باہر میڈیا سے گفتگو کرتے ہوئے کہا کہ عمران خان کے ساتھ آدھا گھنٹہ ملاقات ہوئی ہے، عمران خان اسمبلیاں توڑنے کے موقف پر قائم ہیں۔
انہوں نے کہا کہ عمران خان کی پرویز الہٰی کو حمایت حاصل ہے، دونوں اسمبلی توڑ دی جائیں گی، ابھی بھی وقت ہے جنرل الیکشن کروا دیں۔
شیخ رشید نے یہ بھی کہا کہ ملک نہیں چل رہا تیل دینے سے روس نے بھی جھنڈی کروا دی ہے، گورنر راج اور تحریک عدم اعتماد روڑے اٹکانے کی باتیں ہیں۔
پی ٹی آئی کے رہنما کا کہنا تھا کہ حکمرانوں کا جانا ٹھہر گیا ہے، حکومت الیکشن کا اعلان کرے اور تاریخ کے لیے عمران خان کے پاس آئے۔
شیخ رشید کا یہ بھی کہنا تھا کہ اب آر ہو گا یا پار گا، مونس الہٰی نے جو کہا ہے اس کی وضاحت ان کی پارٹی کرے گی پرویز الہٰی 120 فیصد عمران خان کے ساتھ کھڑا ہے۔
پاکستان تحریک انصاف کے رہنما شیخ رشید احمد کا مزید کہنا تھا کہ عمران خان انتخابات کے لیے تیار ہیں، انتخابات کے بعد معاشی استحکام آنے کی گارنٹی ہے،عمران خان کے کہنے پر اوور سیز ترسیلات بھیجیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News