صوبہ پنجاب میں شہریوں کو صحت بخش خوراک کی فراہمی کیلئے پنجاب فوڈ اتھارٹی کی کارروائیاں جاری ہیں۔

 تفصیلات کے مطابق فوڈ سیفٹی ٹیموں کی جانب سے راولپنڈی میں ڈیری شاپس، میرج ہالز اور پکوان سنٹرز کی چیکنگ کی جارہی ہے جس میں معائنے کے دوران کثیر تعداد میں ملاوٹی دودھ سمیت مضرِ صحت جعلی مصالحہ جات کو موقع پر ہی تلف کر دیا گیا ہے۔

ملاوٹی دودھ کی فروخت پر 4 ڈیری ملک شاپس پر بھاری جرمانے عائد 

ڈی جی فوڈ اتھارٹی مدثر ریاض نے بتایا کہ راول ٹاؤن 1 میں چیکنگ کے دوران حفظان صحت کے انتہائی ناقص انتظامات پائے جانے کی بنیاد پر 2 میرج ہالز کےخلاف ایکشن لیا گیا ہے اور کہوٹہ میں ملاوٹی دودھ کی فروخت پر 4 ڈیری ملک شاپس پر بھاری جرمانے عائد کئے گئے ہیں ۔

علاوہ ازیں روالپنڈی میں معمولی نقائص پر37 فوڈ پوائنٹس کو وارننگ نوٹسز بھی جاری کیے گئے ہیں ۔

ڈی جی پنجاب فوڈ اتھارٹی نے واضح کرتے ہوئے کہا کہ مضرِ صحت خوراک فروخت کرنے والوں کےخلاف سخت ایکشن لیاجارہا ہے اورعوام کی صحت سے کھیلنے والے عناصر کو کسی صورت بھی کوئی رعایت نہیں دی جائے گی۔

ملتان میں پان شاپس، بیکریز، میرج ہالز سمیت کئی فوڈ پوائنٹس کی چیکنگ

ملتان مین بھی چیکنگ کے دوران 355 ساشے ممنوعہ گٹکا، 30 لٹر ایکسپائرڈ مشروبات اور8 کلو ممنوعہ چائنہ نمک تلف کردیا گیا ہے۔

ملتان کے نواں شہر میں ہوٹل کو کھانوں میں کھلے مصالحہ جات کی ملاوٹ اورواشنگ ایریا میں بدبودار پانی جمع ہونے پر بھاری جرمانے عائد کردئیے گئے ہیں۔

علاوہ ازیں خوراک میں کھلے اجزاء کی ملاوٹ اور گندے برتنوں میں اسٹوریج پر 4  بیکریز پر بھی ہزاروں روپے کا جرمانہ عائد کردیا گیا ہے۔

گٹکے کا استعمال منہ کے کینسر کا باعث بنتا ہے، مدثر ریاض 

پنجاب فوڈ اتھارٹی مدثر ریاض نے بتایا کہ ملتان میں واقع وہاڑی روڈ، المدینہ کالونی، گلشن اقبال کالونی اور مین روڈ قاسم بیلہ میں موجود تمام بیکریوں کو چیک کیا  جا چکا ہے، تاہم کرم پور کی 2 پان اینڈ ڈرنک کارنرز کو گٹکا بیچنے پر بھاری جرمانے عائد کردیا گئا جبکہ خانیوال کے علاقے جہانیاں میں میرج ہال کو کھانوں میں چائنہ نمک کی ملاوٹ کرنے پر 20 ہزار روپے تک کا جرمانہ عائد کردیا گیا ہے ۔