جنوبی افریقہ میں سالگرہ کی ایک تقریب اس وقت ماتم میں بدل گئی جب مسلح افراد کی فائرنگ سے 8 افراد ہلاک ہو گئے۔

غیر ملکی خبر رساں ادارے کی خبر کے مطابق جنوبی افریقہ کے جنوبی بندرگاہی شہر گکبرہا میں سالگرہ کی تقریب کے دوران مسلح افراد کی فائرنگ سے 8 افراد ہلاک اور تین زخمی ہو گئے ہیں۔

پولیس کا کہنا ہے کہ مسلح افراد نے جنوبی افریقہ کی ایک بستی میں سالگرہ منا رہے لوگوں کے ایک گروپ پر فائرنگ کر دی، جس میں آٹھ افراد ہلاک اور تین زخمی ہو گئے۔

پولیس کے ترجمان کا کہنا ہے کہ گھر کا مالک اپنی سالگرہ کا جشن منا رہا تھا جس میں مہمان بھی شریک تھے کہ اچانک دو نامعلوم مسلح افراد صحن میں میں داخل ہوئے اور مہمانوں پر فائرنگ شروع کر دی۔

پولیس نے بتایا کہ نامعلوم حملہ آوروں نے “مہمانوں پر غیر متوقع طور پر گولی چلائی، پولیس کے مطابق آٹھ افراد موقع پر ہی ہلاک ہو گئے جبکہ تین دیگر اب بھی ہسپتال میں اپنی جان کی جنگ لڑ رہے ہیں۔

پولیس کے ترجمان کا مزید کہنا تھا کہ مرنے والوں میں گھر کا مالک بھی شامل ہے۔

حملے کی تحقیقات شروع کر دی گئی ہیں اور پولیس کا کہنا ہے کہ حملہ آوروں کی تلاش جاری ہے۔

واضح رہے کہ جنوبی افریقہ میں فائرنگ کے واقعات عام ہیں، جہاں دنیا میں قتل کی شرح سب سے زیادہ ہے، جو کہ گینگ تشدد اور شراب نوشی کے باعث ہوا کرتی ہے۔

جنوبی افریقہ نے گزشتہ سال جوہانسبرگ اور مشرقی شہر پیٹرمارٹزبرگ میں محنت کش طبقے کے مضافات میں الگ الگ شراب خانوں میں فائرنگ کا سلسلہ دیکھا جس میں تقریباً دو درجن افراد ہلاک ہوئے۔