پاکستان سپر لیگ سیزن 8 کی فرنچائز کوئٹہ گلیڈی ایٹرز کے بولنگ کوچ عمر گل نے کہا ہے کہ پی ایس ایل ایک بڑا برانڈ ہے۔

تفصیلات کے مطابق پاکستان سپر لیگ سیزن 8 میں کوئٹہ گلیڈی ایٹرز کے بولنگ کوچ کوچ عمر گل کا کہنا ہے کہ پی ایس ایل دنیا کا بہترین اور بڑا برانڈ ہے۔

پاکستان کے سابق فاسٹ بولر اور بولنگ کوچ عمر گل نے نسیم شاہ کی بولنگ کے حوالے سے کہا کہ وہ دن بدن اچھا پرفارم کر رہا ہے، اور خاص طور پر یارکرز پر نسیم شاہ محنت کر رہا ہے، وائٹ بال کرکٹ میں نسیم شاہ ایک بہترین بولر ہے۔

کوئٹہ گلیڈی ایٹرز کے بولنگ کوچ کا کہنا تھا کہ بدقسمتی سے گزشتہ سیزن ہماری ٹیم اچھا پرفارم نہیں کر سکی لیکن کوئٹہ گلیڈی ایٹرز ماضی میں لیگ کے ٹاپ فور میں رہے ہیں۔

بولنگ کوچ عمر گل کے مطابق کھلاڑیوں کو جب تک مواقع نہیں ملیں گے تو وہ کیسے آگے بڑھے گا، ہماری فرنچائز نے نسیم شاہ کو سپورٹ کی اور اسے آگے تک بڑھایا ہے۔

عمر گل نے اپنے بولنگ تجربے کی مناسبت سے کہا کہ بولرز کو اپنی اسٹرینتھ کا علم ہونا چاہیئے، اور ڈیو فیکٹر کو مدنظر رکھتے ہوئے مختلف پلانز پر کام کر رہے ہیں۔

عمر گل نے مزید کہا کہ محمد حسنین سے بولنگ پر کافی بات چیت ہوئی ہے، حسنین کو اپنے فوکس پر کافی کام کرنا ہے، اس کے پاس رفتار ہے مگر ابھی وہ شرماتا ہے، لیکن جس طرح کی پیس اس کے پاس ہے وہ تباہ کن بن سکتے ہیں۔

بولنگ کوچ عمر گل کا کہنا تھا کہ میں کبھی یہ نہیں کہوں گا کہ بولر کی پرفارمنس پر کوچ کو کریڈٹ دیا جائے.