نیپال کے وزیر اعظم پشپا کمل دہل نے پارلیمنٹ سے اعتماد کا ووٹ حاصل کر لیا ہے۔
غیر ملکی میڈیا کی خبروں کے مطابق نیپال کے وزیر اعظم پشپا کمل دہل نے اپوزیشن سینٹرسٹ نیپالی کانگریس پارٹی اور دیگر چھوٹے گروپوں کی حمایت حاصل کرنے کے بعد پارلیمنٹ میں اعتماد کا ووٹ حاصل کر لیا ہے، جن کی اب ان کی نئی کابینہ میں شمولیت متوقع ہے۔
یہ بھی پڑھیں : سینئر رہنما رام چندر پوڈیل نیپال کے تیسرے صدر منتخب
واضح رہے کہ وزیر اعظم کے پرانے اتحادیوں نے گزشتہ ماہ حکومت سے علیحدگی اختیار کر لی تھی جب انہوں نے اگلا صدر بننے کے لیے اپوزیشن کے امیدوار کا انتخاب کیا تھا۔
نیپال کے آئین کے مطابق کسی بھی اتحادی کی حمایت واپس لینے کے بعد وزرائے اعظم کو اعتماد کے ووٹ کا سامنا کرنا پڑتا ہے۔
یاد رہے کہ موجودہ وزیر اعظم سابق چیف ماؤسٹ باغی کمانڈر ہیں وہ اس ہفتے نیپالی کانگریش پارٹی اور اس کی ماؤسٹ سینٹر پارٹی سمیت نو دیگر چھوٹے گروپوں کے ساتھ اپنے اتحاد کا اعلان کریں گے۔
اسپیکر دیوراج گھمیرے نے کہا کہ انہیں پیر کو 275 نشستوں والی پارلیمنٹ میں ان کے حق میں 172 اور مخالفت میں 89 ووٹ ملے۔
یہ بھی پڑھیں : محمد رضوان کی نیپالی کرکٹر سندیپ لمیچانے سے ملاقات
اعتماد کا ووٹ لینے کے بعد وزیر اعظم پشپا کمل دہل نے ٹوئٹ کیا کہ میں وعدہ کرتا ہوں کہ سماجی انصاف، اچھی حکمرانی اور خوشحالی کے لیے مضبوطی سے کام کروں گا اور آپ کے دیے گئے اعتماد کو توانائی میں بدل دیں گے۔
یاد رہے 68 سالہ پشپا کمل دہل لبرل کمیونسٹ یونیفائیڈ مارکسسٹ، لیننسٹ (یو ایم ایل) پارٹی اور شاہی پرستوں کے ساتھ اتحاد کی سربراہی کرتے ہوئے گزشتہ سال دسمبر میں تیسری بار وزیراعظم بنے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News