قطر میں ہونے والی لیجنڈز لیگ 2023 میں شاہد آفریدی کی ایشیا لائنز نے فائنل میں ورلڈ جائنٹس کو شکست دے دی۔
تفصیلات کے مطابق دوحا میں لیجنڈز لیگ 2023 کے فائنل میں شاہد آفریدی کی قیادت میں ایشیا لائنز نے ورلڈ جائنٹس کو 7 وکٹوں سے شکست دے کر فائنل اپنے نام کر لیا۔
دوحا کے ویسٹ اینڈ پارک انٹرنیشنل کرکٹ اسٹیڈیم میں ہونے والے فائنل میں ورلڈ جائنٹس نے ٹاس جیت کر پہلے بیٹنگ کا فیصلہ کیا۔
ورلڈ جائنٹس کی ٹیم نے مقررہ 20 اوورز میں 4 وکٹوں 147 رنز بنا سکی۔
ورلڈ جائنٹس کے اوپنر لینڈ سیمنز 17 رنز بنا کر رن آؤٹ ہوئے، ورلڈ جائنٹس کے کپتان شین واٹسن کوئی رن بنائے بنا پویلین واپس لوٹ گئے۔
ورلڈ جائنٹس کے جیک کیلس اور روز ٹیلر نے ٹیم کو سنبھالا، اور 92 رنز کی ساجھے داری دکھائی، روز ٹیلر نے 32 رنز بنائے، جبکہ جیک کیلس نے 78 رنز کی ناقابل شکست اننگ کھیلی۔
ایشیا لائنز کے عبدالرزاق نے 2 اور تھشارا پریرا نے 1 وکٹ حاصل کی۔
ہدف کے تعاقب میں ایشیا لائنز کے اوپنرز مضبوط اوپننگ اسٹینڈ فراہم کر کے جیت کی بنیاد رکھی۔
تلکا رتنے دلشان اور اپل تھرنگا کے درمیان 115 رنز کی پارٹنر شپ ہوئی، دلشان نے 58 اور تھرنگا نے 57 رنز بنائے۔
محمد حفیظ اور مصباح الحق 9،9 رنز پر ناٹ آؤٹ رہے، ایشیا لائنز نے فائنل 7 وکٹوں سے جیت لیا۔
ورلڈ جائنٹس کے بریٹ لی، سمیت پٹیل اور مونٹی پنیسر نے ایک ، ایک کھلاڑی کو آؤٹ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News