گزشتہ ماہ ترکیہ و شام میں آنے والے ہولناک زلزلے میں ہلاک ہونے والے فٹ بالر کی آخری رسومات ادا کر دی گئیں۔
غیر ملکی میڈیا کی خبروں کے مطابق گھانا سے تعلق رکھنے ولے فٹ بالر کرسچن اتسو کی آخری رسومات سرکاری اعزاز کے ساتھ اکرا میں گھانا کی پارلیمنٹ کے سامنے ادا کی گئی۔
یہ بھی پڑھیں : ترکیہ زلزلہ، متاثرہ بچوں کا حوصلہ بڑھانے کے لیے انوکھا اقدام
واضح رہے کہ گزشتہ ماہ جنوبی ترکیہ اور شام میں 6 فروری کو آنے والے ہولناک زلزلے میں 50 ہزار سے زائد افراد ہلاک ہوئے ہیں، گھانا کے فٹ بالر کرسچن اتسو ترکیہ سپر لیگ میں ہاتے اسپور کلب کی جانب سے میچز کھیلنے کے لیے ترکیہ میں موجود تھے۔
گھانا میں کرسچن اتسو کی آخری رسومات کے موقع پر گھانا فٹ بال ٹیم کے کھلاڑیوں سمیت بڑی تعداد میں لوگ جمع تھے، کرسچن اتسو کے تابوت کو قومی پرچم میں لپیٹا گیا تھا۔
گھانا کے فٹ بالر کرسچن اتسو کے حوالے سے پہلے یہ خبر آئی تھی کہ زلزلے کے ایک دن بعد انہیں زندہ نکال لیا گیا ہے لیکن یہ خبر جھوٹی نکلی، بعد میں ان کی لاش ملبے تلے ملی جسے گھانا روانہ کیا گیا۔
گھانا کے 31 سالہ کرسچن اتسو 2017 میں نیو کاسل میں جانے سے قبل چیلسی فٹ بال کلب میں چار سیزن گزارے، انہوں نے گزشتہ سال ستمبر میں ہاتے اسپور کے ساتھ کھیلنے کا معاہدہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News