تفصیلات کے مطابق پاکستان کرکٹ بورڈ نے بنگلہ دیش اور زمبابوے کے آئندہ دوروں کے لیے سعد بیگ اور عمران بٹ کو بالترتیب پاکستان انڈر 19 اور پاکستان شاہینز کا کپتان مقرر کر دیا ہے۔
کراچی میں پیدا ہونے والے سعد بیگ نے گزشتہ سال ملتان میں بنگلہ دیش انڈر 19 کے خلاف پاکستان انڈر 19 کی کپتانی کی تھی۔ اس سیریز میں سعد نے چار روزہ میچوں میں 117 رنز، ایک روزہ میچوں میں 30 رنز اور ٹی ٹوئنٹی میں 107 رنز بنائے تھے۔
یہ بھی پڑھیں : پی سی بی ویمنز لیگ کے نمائشی میچز کی نشریات تفصیلات سامنے آ گئیں
قومی انڈر 19 تین روزہ چیمپئن شپ 2022-23 میں، بائیں ہاتھ کے کھلاڑی سعد بیگ نے 200 رنز بنائے تھے، جبکہ نیشنل انڈر 19 ون ڈے کپ 2022-23 میں، انہوں نے چار میچوں میں 299 رنز بنائے تھے۔
واضح رہے کہ ستمبر 2004 کو یا اس کے بعد پیدا ہونے والے کھلاڑی بنگلہ دیش جانے والے اسکواڈ میں انتخاب کے اہل ہیں۔
دورہ زمبابوے کے لیے پاکستان شاہینز میں سات ایسے کھلاڑی شامل ہیں جو بین الاقوامی کرکٹ میں پاکستان کی نمائندگی کر چکے ہیں۔
پاکستان شاہینز کے کپتان عمران بٹ نے چھ ٹیسٹ میچز کھیلے ہیں ان کے علا
وہ حسین طلعت 1 ون ڈے اور 18 ٹی ٹوئنٹی کھیل چکے ہیں، جبکہ عامر جمال نے 20 ٹی ٹوئنٹی میچز میں پاکستان کی نمائندگی کی ہے۔
کامران غلام نے 1 ون ڈے میچ، میر حمزہ نے 3 ٹیسٹ میچوں میں اور صاحبزادہ فرحان 3 ٹی ٹوئنٹی میچز کھیل چکے ہیں، جبکہ شاہنواز دھانی نے 11 ٹی ٹوئنٹی میچز کے علاوہ 2 ون ڈے میچز میں پاکستان کی نمائندگی کی ہے۔
انڈر 19 کی ٹیم میں پہلی بار کوئٹہ کے دو کھلاڑیوں کو قومی اسکواڈ میں منتخب کیا گیا ہے، جن میں عبدالواحد بنگلزئی اور حسیب اللہ شامل ہیں۔
جبکہ انڈر 19 پاتھ ویز کرکٹ سے گریجویشن کرنے والے کھلاڑی مہران ممتاز، محمد ہریرہ، مبصر خان، قاسم اکرم اور روحیل نذیر بھی ٹیم کا حصہ ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News