ڈی آئی خان میں چیک پوسٹ پر دہشتگردوں کے حملے کے نتیجے میں پاک فوج کے 3 جوان شہید ہوگئے جب کہ فائرنگ کے تبادلے میں 3 دہشت گرد بھی ہلاک ہوئے۔
پاک فوج کے شعبہ تعلقات عامہ (آئی ایس پی آر) کے مطابق ڈی آئی خان کےعلاقے کھٹی میں دہشت گردوں کی جانب سے پولیس چیک پوسٹ پر حملہ کیا گیا، دہشت گردوں نے پولیس چیک پوسٹ پر فائرنگ کی اور فرار ہوگئے۔
ترجمان پاک فوج نے کہا کہ بھاگتے ہوئے دہشت گردوں کو سگو کے مقام پر روکا گیا، اس دوران دونوں جانب سے فائرنگ کا تبادلہ ہوا۔
آئی ایس پی آر نے بتایا کہ دہشت گردوں سے لڑتے ہوئے پاک فوج کے 3 جوان شہید ہوگئے جب کہ فائرنگ کے تبادلے میں 3 دہشت گرد بھی ہلاک ہوئے۔ ہلاک دہشت گردوں سےاسلحہ اور گولہ بارود برآمد ہوئے۔
ترجمان کا کہنا تھا کہ پاک فوج دہشت گردی کی لعنت کو ختم کرنے کیلئے پرعزم ہے، جب کہ حملے میں شہید ہونے والوں میں حوالدار محمد اظہر، نیک محمد اسد اور سپائی محمدعیسیٰ شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News