سوشل میڈیا کے مختلف پلیٹ فرامز جیسے انسٹاگرام، ٹوئٹراور ٹک ٹاک پر ہر روز ہی نت نئی ویڈیوز شیئر کی جاتی ہیں جومزاحیہ یا منفرد ہونے کی وجہ سے وائرل ہوجاتی ہیں، اسی طرح ایک ویڈیو سوشل میڈیا پر کافی پسند کی جارہی ہے جو کہ سوڈا کین کھولنے کے حوالے سے ہے۔

یہ بات تو آپ سب ہی جانتے ہیں کہ سوڈا کین کھولنے کے لیے کافی محنت کرنی پڑتی ہے اور اکثر انگلیوں اور ناخنوں کے لیے امتحان ہوتا ہے۔ تاہم حال ہی میں ایک معروف ٹک ٹاکر جارڈن ہولیٹ، جسے ٹک ٹاک پرجارڈن دی اسٹیلون 8 کے نام سے جانا جاتا ہے، نے اپنے 10.4 ملین فالوورزکو سوڈا کین کھولنے ایک انوکھے طریقے سے روشناس کرایا۔

ہولیٹ نے ایک کین کی نچلی سطح کو دکھاتے ہوئے کہا کہ اس کے نیچے ایک کروہوتا ہے لیکن اس کے کنارے جس طرح بنائیں گئے ہیں یہ دوسرا کین کھولنے کا کام آسانی سے کرسکتے ہیں اس طرح آپ بغیرہاتھ لگائے دوسرے کین کو کھول سکتے ہیں۔

اس ویڈیو کو اب تک 1.2 ملین لائکس مل چکے ہیں،واضح رہے کہ یہ صارف سے پوچھے گئے اس سوال کا جواب تھا جس میں اس نے پوچھا تھا کہ وہ کون سے چیز ہے جس کے بارے میں آپ کو زندگی میں بہت دیر سے پتہ چلا جسے آپ کو پہلے معلوم ہونا چاہیے تھا۔

26ہولیٹ سالہ نے اس دریافت کو بہت ہی پر جوش انداز میں صارف کے سامنے پیش کیا۔

ویڈیو میں دیکھا جاسکتا ہے کہ ہولیٹ ایک سوڈا کین کو ہاتھ میں لے کر اس کے نچلے حصے کو دکھاتے ہوئے کہہ رہے ہیں اگر آپ غور کریں تو اس میں یہ اضافی چھوٹی سی سرکلر رج ہے۔

کیلیفورنیا سے تعلق رکھنے والے ہولیٹ نے وضاحت دیتے ہوئے کہا کہ دباؤ اور کاربونیشن کو برقرار رکھنے کے لیے سوڈا کے نچلے حصے کو سرکلر کرنے کی ضرورت ہوتی ہے تاکہ مشروب بلبلوں کے ساتھ  تازہ رہے۔

انہوں نے مزید کہا کہ جب 1938 میں پہلاکین بنایا گیا تھا تو انہوں نے ڈیزائن کو تبدیل کر کے نچلے حصے میں ایک رج یعنی لمبا پتلا ابھار بھی رکھا تھا۔

آپ یقینا! جاننا چاہیں گے کہ ایسا کیوں ہے؟ ایسا اس لیے ہے آپ سوڈا کین کو دوسرے کین کے اوپر رکھ سکتے ہیں تاہم اس کرو کو دوسرے سوڈا کین کھولنے کے لیے بھی استعمال کیا جاسکتا ہے۔

اگر آپ نے ابھی ابھی اپنے ناخن کو ڈیزائن کیا ہے اور انہیں خراب نہیں کرنا چاہتے یا آپ کی انگلیوں کو خود سے کھولنے کی تکلیف  نہیں دینا چاہتے تو صرف ایک سوڈا لیں اسے دوسرے سوڈا کین کے اوپر رکھیں اور کھولیں۔

اس ویڈیو کو دیکھ صارف کی جانب سے دلچسپ تبصروں کا سلسلہ جاری ہے۔