امریکی گلوکارہ بیونسے کی والدہ کے گھر ڈکیتی کی واردات ہو گئی۔

غیر ملکی خبر رساں ادارے کے مطابق امریکا کے شہر لاس اینجلس میں بیونسے کی والدہ کے گھر میں 10 لاکھ ڈالر سے زائد کی ڈکیتی ہوئی ہے۔

69 سالہ ٹینا کے گھر سے رقم اور زیورات چوری کیے گئے۔

چوری کی واردات کے وقت گھر پر کوئی موجود نہیں تھا۔

اس حوالے سے پولیس نے تحقیقات شروع کردی ہیں تاہم تفتیشی حکام یہ جاننے کی کوشش کر رہے ہیں کہ ملزمان گھر کے احاطے میں کیسے داخل ہوئے۔

پولیس علاقے اور پڑوس کے گھروں میں لگے سی سی ٹی وی کیمروں کی ویڈیوز سے مدد حاصل کر رہی ہے۔

واضح رہے کہ بیونسے اپنے شوہر اور 3 تین بچوں کے ساتھ ان دنوں کینیڈا میں موجود ہیں۔