مریم اورنگزیب نے کہا کہ چیئرمین پی ٹی آئی کی گرفتاری کا سیاست یا الیکشن سے کوئی تعلق نہیں۔ کیا الیکشن سے تین ماہ قبل سارے چوروں کی گرفتاری روک دی جائے؟

وفاقی وزیراطلاعات مریم اورنگزیب نے کہا کہ چیئرمین پی ٹی آئی 4 سال مخالفین کو گرفتار کرتے رہے،  قانونی تقاضے پورے کرنے کے بعد ٹرائل مکمل ہونے پر فیصلہ دیا۔ توشہ خانہ چوری کے کیس میں تمام دلائل مکمل ہوئے۔

مریم اورنگزیب نے نیوز کانفرنس کرتے ہوئے کہا کہ کیس میں جواب دینے کا موقع دیا گیا، چیئرمین پی ٹی آئی صرف 3 پیشیوں پر آئے، جوبھی وارنٹ لیکر جاتا تھا اس پر حملہ آور ہوجاتے تھے۔ سیشن کورٹ کا تفصیلی فیصلہ بھی آچکا ہے۔

وفاقی وزیراطلاعات نے کہا کہ کیس میں حیلے بہانوں سے کام لیاگیا، یہ کیس میں جھوٹے جوابات جمع کراتے رہے، ایک شخص اپنے احتساب سے بھاگ رہاتھا، آج عوام کو پتا چل گیا9 مئی کا واقعہ کیوں ہوا، ابھی190ملین پاؤنڈ اور فنڈنگ کیس کی سزا باقی ہے۔ جس کیس میں جواب مانگتے ہیں تو کہتے ہیں میری ٹیم سے پوچھیں۔

مریم اورنگزیب نے کہا کہ گرفتاری کا سیاست یا الیکشن سے کوئی تعلق نہیں۔ کیا الیکشن سے تین ماہ قبل سارے چوروں کی گرفتاری روک دی جائے۔ یہ شخص وزارت عظمیٰ کے عہدے پر بیٹھ کر ڈاکے ڈالتا رہا۔ اس کو حکومت نے گرفتار نہیں کیا۔ عدالت نے سزا دی ہے۔ نواز شریف کے کیس سے موازنہ نہ کیا جائے اس کا۔ نواز شریف اور اس کی بیٹی کے ساتھ ظلم کیا گیا تھا۔

انھوں نے مذید کہا کہ سائفر سے متعلق بھی ابھی تک کوئی جواب نہیں دیاگیا، سی سی آئی نے کوئی حتمی فیصلہ نہیں کیا۔ وزیراعلی بلوچستان کی آمد میں تاخیر کے باعث اجلاس اڑھائی بجے تک ملتوی کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔