امریکی اور اتحادی افواج کو شکست دے کر 15 اگست 2021 کو طالبان نے افغانستان کا اقتدار حاصل کیا تھا جس کو آج دو سال مکمل ہو گئے ہیں۔

عالمی خبر رساں ادارے کی خبر کے مطابق افغان طالبان اقتدار میں واپسی کی دوسری سالگرہ کے موقع پر عام تعطیل کا اہتمام کر رہے ہیں، کابل پر قبضے اور اسلامی نظام کے تحت ملک بھر میں سلامتی کے قیام کا جشن منایا جا رہا ہے۔

طالبان کے ترجمان ذبیح اللہ مجاہد نے آج ایک بیان میں کہا کہ فتح کابل کی دوسری برسی پر ہم افغانستان کی مجاہد قوم کو مبارکباد دیتے ہیں اور ان سے اس عظیم فتح پر اللہ کا شکر ادا کرنے کی دعا کرتے ہیں۔

اب جبکہ ملک میں مجموعی طور پر سلامتی کو یقینی بنایا گیا ہے، ملک کے پورے علاقے کو ایک ہی قیادت کے تحت منظم کیا جاتا ہے، ایک اسلامی نظام موجود ہے اور ہر چیز کو اسلامی قانون کے زاویے سے بیان کیا جاتا ہے۔

آج دارالحکومت کابل میں سکیورٹی سخت کر دی گئی ہے اور فوجیوں نے چیکنگ بڑھا دی ہے۔

طالبان ارکان کے قافلے امریکی سفارت خانے کی خالی عمارت کے قریب مسعود اسکوائر پر جمع ہوئے۔

ان میں سے کچھ افراد نے اپنے ہتھیار اٹھا رکھے تھے جبکہ دیگر نے قومی ترانے بجاتے ہوئے سیلفیاں کھینچیں اور لڑکوں نے تحریک کا سفید پرچم فروخت کیا جس پر اسلامی عقیدے کا اعلان لکھا ہوا تھا۔

مغرب میں ہرات میں طالبان کے حامیوں کا ایک ہجوم نے دو سال مکمل ہونے پر یورپ مردہ باد، مغربی لوگوں کی موت، افغانستان کی اسلامی امارت زندہ باد، امریکیوں کی موت کے نعرے بھی لگائے۔”

قندھار میں ایک فوجی پریڈ منسوخ کر دی گئی ہے، جو طالبان تحریک کا گڑھ ہے، جہاں سے اس کے سپریم لیڈر ہیبت اللہ اخونزادہ حکم نامے کے ذریعے حکومت کرتے ہیں۔ صوبائی حکام نے صحافیوں کو بتایا کہ اخونزادہ نے پریڈ خود منسوخ کر دی تاکہ عوام کو پریشان نہ کیا جا سکے۔

واضح رہے کہ طالبان حکومت کو ابھی تک کسی بھی ملک نے باضابطہ طور پر تسلیم نہیں کیا ہے۔ بین الاقوامی برادری مسلسل اس بات پر غور کر رہی ہے کہ طالبان حکام کے ساتھ کس طرح اور کیا بات چیت کی جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں