کیریبین پریمیئر لیگ کے منتظمین کا کہنا ہے کہ رواں سیزن میں آزمائشی طور پر ریڈ کارڈ کا استعمال کیا جائے گا۔

غیر ملکی خبر رساں ادارے کی خبر کے مطابق کیریبین پریمیئر لیگ کے آپریشنز ڈائریکٹر مائیکل بال کا کہنا ہے کہ ٹی 20 میچز کے دورانیے میں طوالت کو ختم کرنے لیے کچھ اہم فیصلے کیے ہیں۔

لیگ منتظمین کے مطابق لیگ میں مقررہ وقت کی پابندی کی خلاف ورزی پر کپتان کو ریڈ کارڈ دکھایا جائے گا، ریڈ کارڈ ملنے کے بعد کپتان کسی بھی کھلاڑی کو پویلین واپس بھیج دے گا اور 6 کھلاڑیوں کو دائرے کے اندر رہنا گا۔

لیگ کے آپریشنز ڈائریکٹر مائیکل بال نے ریڈ بال کے قانون کی حمایت کرتے ہوئے کہا کہ یہ قانون کھلاڑیوں کو وقت کی اہمیت کا احساس دلائے گا۔

کیریبین لیگ کے منتظمین کے مطابق اب ہر ٹیم کو اننگ کا 17 واں اوور 72 منٹ اور 15 سیکنڈ میں مکمل کرنا ہو گا جبکہ آخری اوور 85 ویں منٹ کے اندر لازمی ختم کرنا ہو گا۔

لیگ کے نئے قوانین کے تحت فیلڈنگ سائیڈ 18 ویں اوور کے آغاز میں مطلوبہ اوور ریٹ کے ہدف کو مکمل کرنے میں ناکام ہوئی تو فیلڈنگ ٹیم کو ایک اضافی فیلڈر کو دائرے کے اندر رکھنا ہو گا۔

لیگ منتظمین نے فیلڈنگ سائیڈ کے علاوہ بیٹنگ کرنے والی ٹیم کے لیے بھی مقررہ وقت کی خلاف ورزی پر 5 رنز کی کٹوتی کا قانون رکھا ہے۔ اس سزا کا اطلاق ڈی آر ایس اور انجری پر نہیں ہو گا۔

اوور ریٹ کی نگرانی لیگ کے تھرڈ امپائر کریں گے، جس کا جائزہ ٹی وی اور اسٹیڈیم کی اسکرین پر دکھایا جائے گا۔

واضح رہے کہ مینز کیریبین پریمئیر لیگ کا آغاز 17 اگست 2023 جبکہ ویمنز لیگ کا آغاز 31 سے ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں