فلم ”مشن رانی گنج“ نے اب تک 15.6 کروڑ روپے کا بزنس کر لیا ہے۔

رپورٹ کے مطابق فلم مشن رانی گنج نے ریلیز کے پہلے دن 2.8 کروڑ، دوسرے دن 4.8 کروڑ، تیسرے دن 5 کروڑ اور چوتھے دن 1.50 کروڑ جبکہ پانچویں دن 1.5 کروڑ روپے کا بزنس کیا ہے۔

ہدایت کار ٹینو سریش دیسائی کی فلم مشن رانی گنج میں اکشے کمار کے ساتھ پرینیتی چوپڑا نے مرکزی کردار ادا کیا ہے۔

 اس فلم میں اکشے نے بھارت کے سب سے بڑے ریسکیو مشن کے بہادر ہیرو جسونت سنگھ گل کا کردار بڑی مہارت سے ادا کیا ہے۔

 ریسکیو مشن کے بہادر ہیرو جسونت سنگھ جنہوں نے سال 1989 میں رانی گنج میں کوئلے کی ایک کان میں پھنسنے والے 65 افراد کوبچایا تھا جو سیلاب سے بچ جانے کے بعد کوئلے کی کان میں زندگی اور موت کی جنگ لڑ رہے تھے۔

ایک دور تھا کہ اکشے کمار باکس آفس پر ہٹ فلموں کے لیے مشہور تھے لیکن اب اداکار کو شائقین کو سینما گھروں تک لانے میں مشکلات کا سامنا کرنا پڑ رہا ہے۔

واضح رہے اکشے کی فلم ”او ایم جی 2“ کو شائقین نے کافی پسند کیا تھا مگر اداکار کی ہٹ فلموں سے اگر اس کا موازنہ کیا جائے تو اس کو بھی خاص پذیرائی نہ مل سکی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/10/310600/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/310600/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔