مقبوضہ کشمیر میں بھارتی دہشت گردی جاری ہے اور قابض فوج نے نئی کارروائی میں 2 کشمیری طالب علموں کو شہید کردیا۔
کشمیر میڈیا سروس کے مطابق سری نگر کے ضلع گلگام میں قابض بھارتی فورس نے سرچ آپریشن کی آڑ میں چند گھروں کا محاصرہ کیا اور اس دوران نہتے کشمیری طالب علموں پر فائر کھول دیے جس کے نتیجے میں 2 کشمیری نوجوان طالب علم شہید ہوگئے۔
کشمیر میڈیا سروس کی رپورٹ میں بتایا گیا ہے کہ قابض بھارتی فوج نے سرچ آپریشن کے دوران چادر اور چاردیواری کا تقدس بھی پامال کیا ، اس کے علاوہ بھارتی فوجیوں کی جانب سے خواتین کے ساتھ بدتمیزی بھی کی گئی اور انہیں گھسیٹا بھی گیا۔
رپورٹ کے مطابق قابض فوج نے آپریشن کے دوران ایک گھر پر اندھا دھند فائرنگ کی جس کے نتیجے میں 2 کشمیری نوجوان طالب علم شہید ہوگئے۔
شہید ہونے والے نوجوانوں کی شناخت امین بٹ اور ثاقب احمد کے ناموں سے ہوئی۔ شہید دونوں نوجوان طالبعلم تھے اور یونیورسٹی کے قریب گھر میں رہائش پزیر تھے۔
Advertisement
دوسری جانب نوجوان کشمیری طالب علموں کی شہادت پر علاقہ مکینوں کی جانب سے شدید احتجاج کیا گیا۔ بعد ازاں بھارتی پولیس کی جانب سے مظاہرین کو منتشر کرنے کے لیے نہ صرف ان پر آنسو گیس کی شیلنگ کی گئی بلکہ ان پر لاٹھی چارج بھی کیا گیا جس کے نتیجے میں خواتین اور بچوں سمیت درجنوں کشمیری زخمی ہوئے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
