برطانوی اخبار نے رپورٹ دی ہے کہ برطانوی پارلیمنٹ کے مسلمان رکن کو ایئرپورٹ پر اسلاموفوبیا کا نشانہ بنایا گیا ہے۔

عرب میڈیا نے برطانوی اخبار کے حوالے سے خبر دی ہے کہ ایک برطانوی رکن پارلیمنٹ محمد یاسین کو ایئر کینیڈا کی پرواز میں سوار ہونے سے روک دیا گیا کیونکہ ان کا نام محمد تھا۔ انہیں کینیڈا جانے سے قبل اور برطانیہ جانے سے قبل ایئرپورٹ پر روکا گیا۔

بیڈفورڈ سے تعلق رکھنے والے رکن پارلیمنٹ محمد یاسین کو ہاؤسنگ اینڈ کمیونٹیز کمیٹی کے ساتھیوں کے کینیڈا کے دورے پر گئے تھے انہیں ایئرپورٹ پر کافی دیر تک پوچھ گچھ کے لیے روکا گیا تھا۔

کمیٹی کے چیئرمین کلائیو بیٹس نے پارلیمنٹ میں ان واقعات کو اٹھایا اور کہا کہ محمد یاسین کو ‘نسل پرستانہ اور اسلاموفوبیا’ کا نشانہ بنایا گیا ہے اور میں کینیڈا کے امیگریشن حکام کے اس اقدام کی سخت الفاظ میں مذمت کرتا ہوں۔

کلائیو بیٹس نے مزید کہا کہ محمد یاسین سے ایئر کینیڈا کے عملے نے پوچھا تھا کہ وہ کہاں پیدا ہوا تھا اور کیا اس کے پاس چاقو یا دیگر جارحانہ ہتھیار تو نہیں ہے۔

کلائیو بیٹس نے کہا کہ وہ محمد یاسین کے ساتھ ہونے والی اس بدسلوکی پر برطانیہ میں کینیڈین ہائی کمشنر کو خط لکھیں گے۔

کلائیو بیٹس نے ہاؤس آف کامنز کو بتایا کہ جب کمیٹی نے ہیتھرو میں ان کی پروازوں کے لیے چیک ان کیا تو بیڈفورڈ کے رکن محمد یاسین کو چھوڑ کر دیگر ارکان کو جانے دیا گیا۔

کلائیو بیٹس کا مزید کہنا تھا کہ یہ پوچھ گچھ ایئر کینیڈا کے حکام نے کی باوجود اس کے کہ محمد یاسین کو کینیڈین حکومت نے ویزہ دیا تھا۔

محمد یاسین کو مانٹریال ہوائی اڈے پر کینیڈین امیگریشن نے مسلمان نام ہوہنے کی وجہ روکا اور واپسی پر ٹورنٹو ایئرپورٹ کے حکام نے بھی انہیں روک کر پوچھ گچھ کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں