بھارت کی ایک بینک میں ملازم مسلمان خاتون آفیسر کو سماجی رابطے کی ویب سائٹ پر اسرائیل مخالف پوسٹ کرنے پر برطرف کر دیا گیا۔

بھارتی میڈیا کی رپورٹس کے مطابق مسلمان خاتون بینک آفیسر نوزیمہ حسین نے اسرائیلی بربریت کے خلاف سوشل میڈیا اکاؤنٹ پر مذمت کی تھی جس کی پاداش میں انہیں ملازمت سے برطرف کر دیا گیا.

رپورٹس کے مطابق بھارت کی معروف نجی بینک ملازمہ نوزیمہ حسین نے اپنے سوشل میڈیا اکاؤنٹ پر اسرائیلی حملوں کی مذمت کرتے ہوئے لکھا تھا کہ اب اس حیرانی نہیں ہوتی کہ ہٹلر یہودیوں کو کیوں ختم کرنا چاہتا تھا۔

رپورٹس کے مطابق ’اسٹاپ اینٹی سمیٹزم‘ نامی ایک یہودی نواز تنظیم نے بینک ملازمہ نوزیمہ حسین کی اس پوسٹ کا اسکرین شاٹ سماجی رابطے کی معروف ویب سائٹ ایکس پر پوسٹ کیا۔

یہودی نواز تنظیم کی پوسٹ کے بعد اسرائیل نواز صارفین نے بینک ملازمہ نوزیمہ حسین پر سخت تنقید کی اور بینک انتظامیہ سے اس کی برطرفی کا مطالبہ کر دیا۔

بینک انتظامیہ سوشل میڈیا کے سخت دباؤ کو برداشت نہ کر سکی اور انہوں نے نوزیمہ حسین کی پوسٹ پر مذمت کرتے ہوئے تادیبی کارروائی کا اعلان کر دیا۔

بینک نے فوری طور پر نوزیمہ حسین کی برطرفی کے احکامات جاری کر دیئے اور کہا کہ ملازمہ کی پوسٹ نفرت آمیز ہے۔

نوزیمہ حسین کی برطرفی پر یہودی نواز تنظیم نے خوشی کا اظہار کیا اور سوشل میڈیا پر بینک کا شکریہ بھی ادا کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں