آئی ایس پی آر کے مطابق کیچ کے علاقے بلیدہ میں سیکیورٹی فورسز پر دہشت گردوں نے حملہ کیا۔

تفصیلات کے مطابق کیچ کے علاقے بلیدہ میں سیکیورٹی فورسز کی گاڑی پر دیسی ساختہ بارودی سرنگ سے نشانہ بنایا گیا۔

حملے کے بعد دونوں جانب سے شدید فائرنگ کا تبادلہ ہوا، آئی ایس پی آر کے مطابق سیکیورٹی فورسز نے دہشت گردوں کو منہ توڑ جواب دیا۔

آئی ایس پی آر کے مطابق سیکورٹی فورسز کی جوابی کارروائی میں 3 دہشت گرد جہنم واصل ہوئے، جبکہ کارروائی کے دوران 5 بہادر جوانوں نے بہادری  سے لڑے ہوئے جام شہادت نوش کیا۔

شہید ہونے والے بہادر جوانوں میں ساہیوال سے تعلق رکھنے والا 23 سالہ سپاہی ٹیپو رزاق شامل تھا،۔

کراچی سے تعلق رکھنے والے 24 سالہ سپاہی سنی شوکت بھی شہدا میں شامل ہے۔

لسبیلہ سے تعلق رکھنے والے پاک فوج کے 23 سالہ سپاہی شفیع اللہ اور اورکزئی سے تعلق رکھنے والے 25 سالہ لانس نائیک طارق علی بھی شہید ہونے والوں میں شامل ہیں۔

جبکہ میانوالی سے تعلق رکھنے والے سپاہی محمد طارق خان بھی شہدا میں شامل ہیں۔

 آئی ایس پی آر کے مطابق علاقے سے دہشت گردوں کے خاتمے کے لیے سینیٹائزیشن اپریشن جاری ہے۔

آئی ایس پی آر کا کہنا ہے کہ سیکیورٹی فورسز قوم کے تعاون سے بلوچستان کے امن ترقی اور خوشحالی کے دشمنوں کے عزائم ناکام بنائیں گی۔

 آئی ایس پی آر کا مزید کہنا تھا کہ بہادر جوانوں کی عظیم قربانیاں دہشتگردی کے خلاف عزم کو تقویت بخشتی ہیں.