Advertisement
Advertisement
Advertisement
Advertisement

حماس نے یرغمالیوں کی رہائی کے بدلے 2 ماہ جنگ بندی کی پیشکش مسترد کردی

Now Reading:

حماس نے یرغمالیوں کی رہائی کے بدلے 2 ماہ جنگ بندی کی پیشکش مسترد کردی
غزہ

حماس نے یرغمالیوں کی رہائی کے بدلے 2 ماہ جنگ بندی کی پیشکش مسترد کردی

حماس نے اسرائیل کی تمام یرغمالیوں کی رہائی کے بدلے 2 ماہ جنگ بندی کی پیشکش مسترد کردی۔

بین الاقوامی  خبررساں ادارے کے مطابق اسرائیلی میڈیا نے دعویٰ کیا ہے کہ  مصر کے ایک اعلیٰ عہدیدار نے بتایا کہ حماس نے قیدیوں کی رہائی کے بدلے دو ماہ کی جنگ بندی کی اسرائیل کی پیش کش مسترد کردی ہے۔

مصری عہدیدار نے کہا کہ  حماس کی قیادت نے غزہ چھوڑنے انکار کرتے ہوئے اسرائیل سے مطالبہ کیا ہے کہ وہ اپنی فوج غزہ سے مکمل طور پر واپس بلائے اور فلسطینیوں کو اپنے گھروں میں واپس جانے کی اجازت دی جائے۔

اس سے قبل ترک میڈیا رپورٹ میں یہ بات سامنے آئی تھی کہ اسرائیل نے ثالثوں کے ذریعے حماس کے ساتھ دو ماہ تک جنگ بندی اور قیدیوں کے تبادلے کے لیے 6 شرائط پیش کی تھیں۔

شرائط میں سب سے اہم غزہ میں جنگ بندی کے جواب میں قیدیوں کا تبادلہ ہے۔ حماس بتدریج قیدیوں کو رہا کرے گی اور ابتدا میں خواتین، بزرگ اور زخمیوں کو آزاد کیا جائے گا او اس کے بعد ایسے افراد جو فوج کا حصہ نہ رہے ہوں اور آخر میں اسرائیلی فوجی  اور پھر ہلاک افراد کی لاشیں واپس کردی جائیں گی۔

Advertisement

رپورٹ میں دعویٰ کیا گیا کہ اسرائیل کی جانب سے حماس کے ساتھ ہونے والا معاہدہ خفیہ رکھا جائے گا اور عوامی سطح پر نہیں لایا جائے گا۔

واضح رہے کہ 7 اکتوبر کو شروع ہونے والی اسرائیلی بمباری میں اب تک 25 ہزار سے زائد فلسطینی شہید اور 63 ہزار سے زائد زخمی ہوچکے ہیں۔

اقوام متحدہ کی رپورٹ کے مطابق اسرائیل کی بدترین کارروائیوں کے باعث غزہ کی 85 فیصد آبادی بے گھر ہوچکی ہے اور انہیں غذائی قلت سمیت پانی اور ادویات کی کمی کا سامنا ہے۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
حج کے دوران کونسی غلطی کرنے پر بھاری جرمانہ عائد ہوگا؟
عیدالاضحیٰ پر کتنی چھٹیاں ہونگی؟ اعلان ہو گیا
افغانستان مختلف دہشتگرد تنظیموں کی آماجگاہ بن چکا ہے، امریکی ادارہ برائے سلامتی
نائجیریا، اجتماعی شادی پر انسانی حقوق کی تنظیم نے اعتراض کر دیا
بحرین جانے والے مسافروں کے لیے اچھی خبر
روسی صدر 2 روزہ اہم دورے پر چین پہنچ گئے
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر