وزیر اعلیٰ سندھ نے سیلاب متاثرین کے لیے خوشخبری سنادی

ویب ڈیسک

28th Feb, 2024. 06:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ سندھ نے سیلاب متاثرین کے لیے خوشخبری سنادی

سیہون: وزیر اعلیٰ سندھ مراد علی شاہ کا کہنا ہے کہ سب سے پہلے سیلاب متاثرین کے گھروں کی تعمیر و توسیع کا کام تیز کیا جائے گا۔

وزیر اعلیٰ سندھ سید مراد علی شاہ نے میڈیا سے گفتگو کی جس میں انہوں نے کہا کہ میں ہر جگہ یہی کہتا تھا کہ 2018 سے بھی زیادہ سیٹیں اور ووٹ لیں گے۔

انہوں نے کہا عوام کی پاکستان پیپلز پارٹی سے محبت ہے، مسائل ہمیشہ رہتے ہیں لیکن لوگوں نے کلیئر طریقے سے بتادیا ہے کہ ان کی امیدیں پاکستان پیپلزپارٹی سے ہیں۔

ان کا کہنا تھا کہ بلاول بھٹو زرداری نے ہدایات دیں ہیں کہ سب سے پہلے سیلاب متاثرین کے گھروں کی تعمیر و توسیع کا کام تیز کیا جائے گا۔

مراد علی شاہ کہتے ہیں کہ ہماری ترجیحات ہے عوام کی خدمت کرنا، قانونی ماہرین اس پر بات کرچکے ہیں کہ صدر عارف علوی نے اجلاس کیوں نہیں بلایا۔

وزیر اعلیٰ سندھ نے مزید کہا کہ اس دفعہ پھر لوگوں کی مینڈیٹ کا احترام کرتے ہوئے اجلاس بلائیں پر انہوں نے ایسا نہیں کیا، آئین میں لکھا ہے کہ 21 ویں دن اجلاس ہر حال میں ہونا ہے، کل 29 کو حلف اٹھایا جائے گا اور حکومت بنے گی۔