نیدرلینڈز کی عدالت کا اسرائیل کو لڑاکا طیاروں کے پرزے فروخت نہ کرنے کا حکم

ویب ڈیسک

13th Feb, 2024. 03:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیدرلینڈز کی عدالت کا اسرائیل کو لڑاکا طیاروں کے پرزے فروخت نہ کرنے کا حکم

نیدرلینڈز کی ایک عدالت نے حکومت کو حکم دیا ہے کہ اسرائیل کو جنگی طیاروں کے پرزے فروخت نہ کیے جائیں۔

بین الاقوامی خبررساں ادارے کے مطابق نیدرلینڈز کی ایک عدالت نے انسانی حقوق کی تنظیم کی جانب سے اسرائیل کو جنگی طیاروں کے پرزے فراہم کرنے کے خلاف دائر درخواست پر فیصلہ سنادیا۔

عدالت نے حکومت کو حکم دیا کہ وہ ایف 35 لڑاکا طیاروں کے پرزہ جات کی فراہمی روک دے جو کہ اسرائیل غزہ کی پٹی پر بمباری میں استعمال کررہا ہے۔

عدالت نے ریمارکس میں کہا کہ اسرائیل کو فروخت کیے گئے جنگی طیاروں کے پرزے عالمی انسانی حقوق کی سنگین خلاف ورزیوں میں استعمال ہوسکتے ہیں۔

عدالت نے کہا کہ اس بات کا امکان ہے کہ اسرائیل غزہ پر حملوں میں اپنے ایف 35 لڑاکا طیاروں کا استعمال کر رہا ہے جو ناقابل قبول شہری ہلاکتوں کا باعث بن رہے ہیں۔

اس سے قبل نیدرلینڈز کی لوئر کورٹ نے اسرائیل کو پرزوں کی فروخت کے خلاف درخواست کو مسترد کردیا تھا۔

واضح رہے کہ اسرائیل کے ایف 35 لڑاکا طیارے غزہ میں نہتے فلسطینی شہریوں پر بمباری کے لیے استعمال کیے جارہے ہیں۔