اسرائیل کی رمضان تک اسرائیلی قیدی رہا نہ کرنے پر رفح پر حملے کی دھمکی

ویب ڈیسک

19th Feb, 2024. 04:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل کی رمضان تک اسرائیلی قیدی رہا نہ کرنے پر رفح پر حملے کی دھمکی

اسرائیل نے رمضان تک اسرائیلی قیدی رہا نہ کرنے پر رفح پر حملے کی دھمکی دے دی۔

بین الاقوامی خبررساں ادارے کے مطابق اسرائیلی جنگی کابینہ کے وزیر کا کہنا ہے کہ اگر رمضان تک اسرائیلی قیدی رہا نہ ہوئے تو رفح سمیت دیگر علاقوں پر حملے کریں گے۔

اسرائیلی وزیر نے کہا کہ یہ بہت واضح طور پر کہتا ہوں کہ حماس کے پاس ایک انتخاب ہے، وہ یرغمالیوں کو رہا کرکے ہتھیار ڈال سکتے ہیں اور اس طرح غزہ کے شہری رمضان کے مقدس مہینے میں سکون سے رہ سکیں گے۔

اسرائیلی فوج رفح میں زمینی حملہ کرنے کا ارادہ رکھتی ہے جہاں جنگ سے پناہ لینے والے 1.4 ملین سے زیادہ لوگ رہائش پذیر ہیں۔

غزہ میں 7 اکتوبر سے جاری اسرائیلی جارحیت کے بعد سے فلسطینیوں نے رفح میں پناہ لی ہوئی ہے لیکن اسرائیل نے رفح میں پناہ لینے والے فلسطینیوں کو باقی رہ جانے والی ’حماس بٹالینز‘ کہا ہے۔

واضح رہے کہ اسرائیلی بمباری سے اب تک 10 ہزار سے زائد بچوں سمیت تقریباً 29 ہزار فلسطینی شہید ہو چکے ہیں اور بڑے پیمانے پر تباہی سے اشیائے ضروریہ کی قلت پیدا ہو گئی ہے۔