پینٹاگون نے امریکی فوجی کی خود سوزی کو المناک واقعہ قرار دے دیا

ویب ڈیسک

27th Feb, 2024. 05:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پینٹاگون نے امریکی فوجی کی خود سوزی کو المناک واقعہ قرار دے دیا

پینٹاگون نے امریکی ایئر فورس کے پائلٹ ایرون بشنیل کی خود سوزی کو المناک واقعہ قرار دے دیا ہے۔

غیر ملکی خبر رساں ادارے کے مطابق امریکی ایئرفورس نے پائلٹ ایرون بشنیل کی موت کی تصدیق کردی ہے۔

پینٹاگون کے ترجمان بریگیڈیئر پیٹرک نے ایک گفتگو کے دوران کہا کہ ہم اسرائیل کی غیر متزلزل حمایت جاری رکھیں گے جب کہ انہوں نے ایرون بشنیل کی خود سوزی کو المناک واقعہ قرار دیا۔

خیال رہے کہ امریکی ایئرفورس کے پائلٹ ایرون بشنیل نے غزہ پر اسرائیلی جارحیت کے خلاف احتجاجاً اسرائیلی سفارت خانے کے سامنے خود کو آگ لگالی تھی۔

انہوں نے آگ لگانے سے قبل آزاد فلسطین کے نعرے بھی لگائے جب کہ گذشتہ روز وہ زخموں کی تاب نہ لاتے ہوئے چل بسے ہیں۔

امریکی میڈیا رپورٹس کے مطابق ایرون بشنیل نے سوشل میڈیا سائٹ ٹوئچ پر خود کو لائیو اسٹریم کیا اور اتوار کے روز خود کو مائع میں پھینکنے سے پہلے اعلان کیا کہ وہ نسل کشی میں ملوث نہیں ہوں گے۔

ان کی ویڈیو کو ٹوئچ پر ہزاروں افراد نے دیکھا جسے بعد ازاں ٹوئچ کی انتظامیہ کی جانب سے ہٹا دیا گیا۔