نریندر مودی نے متحدہ عرب امارات کے پہلے مندر کا افتتاح کردیا

بھارتی وزیر اعظم نریندر مودی نے متحدہ عرب امارات کے پہلے مندر کا افتتاح کردیا۔

بین الاقوامی خبررساں ادارے کے مطابق افتتاحی تقریب میں اماراتی وزیر شیخ النہیان بن مبارک النہیان سمیت بڑی تعداد میں ہندو مذہب کے لوگ شریک تھے۔

افتتاحی تقریب کے دوران ہندو مندر کے کمیونٹی ہال میں دونوں ممالک کے قومی ترانے بجائے گئے۔

یہ مندر 18 فروری سے عوام کے لیے کھولا جائے گا۔

بھارتی وزیر اعظم قطر اور یو اے ای کے دو روزہ دورے پر موجود ہیں۔

واضح رہے کہ متحدہ عرب امارات میں 95 ملین ڈالرز کی مالیت سے بنائے گئے اس مندر کے لیے 27 ایکڑ زمین شیخ محمد بن زید نے تحفتاً دی تھی۔