محکمہ ادارہ شماریات کا کہنا ہے کہ رواں مالی سال برآمدات میں اضافہ ہوا ہے، جبکہ تجارتی خسارے اور درآمدات میں کمی ہوئی ہے۔

تفصیلات کے مطابق محمکہ ادارہ شماریات کے جاری کردہ اعداد و شمار کے مطابق ملک میں رواں مالی سال برآمدات میں اضافہ ہوا ہے، جبکہ تجارتی خسارے اور درآمدات میں کمی ہوئی ہے۔

اعداد و شمار کے مطابق جولائی تا فروری ملکی برآمدات میں 9 فیصد کا اضافہ ہو گیا اور رواں مالی سال کے 8 ماہ میں  برآمدات 20 ارب 35 کروڑ ڈالرز پر پہنچ گئیں ہیں۔

جبکہ گزشتہ سال اسی عرصے میں برآمدات 18 ارب 67 کروڑ ڈالرز تھیں۔

وفاقی ادارہ شماریات کے تجارتی اعداد و شمار کے مطابق رواں مالی سال 8 ماہ میں درآمدات میں11.87 فیصد کمی ہوئی اور جولائی تا فروری درآمدات کا حجم 35 ارب 22 کروڑ ڈالرز رہا۔

اعداد و شمار کے مطابق رواں مالی سال 8 ماہ میں تجارتی خسارے میں 30.1  فیصد کمی ہوئی ہے۔

جولائی تا فروری تجارتی خسارہ 21 ارب 29 کروڑ ڈالرز رہا،  فروری 2024 میں برآمدات میں سالانہ بنیادوں پر17.54 فیصد اضافہ ہوا، فروری 2024 میں برآمدات کا حجم 2 ارب57 کروڑ ڈالرز رہا اور فروری میں درآمدات کا حجم 4 ارب 28 کروڑ ڈالرزرہا۔

اعداد و شمار کے مطابق فروری میں تجارتی خسارہ ایک ارب 71 کروڑ ڈالرز رہا، فروری میں ماہانہ بنیادوں پر برآمدات میں 7.84 فیصد کمی ہوئی۔

وفاقی ادارہ شماریات کے اعداد و شمار کے مطابق ماہانہ بنیادوں پردرآمدات 10.19 فیصد کم ہوئیں جبکہ فروری میں ماہانہ بنیادوں پر تجارتی خسارہ 13.49 فیصد کم ہوا۔