
پنجاب پولیس کا دھاتی ڈور اور پتنگ بازی کے خلاف خصوصی کریک ڈاؤن جاری
پنجاب پولیس کی جانب سے دھاتی ڈور اور پتنگ بازی کے خلاف خصوصی کریک ڈاؤن جاری ہے۔
ترجمان پنجاب پولیس کا کہنا ہے کہ گذشتہ 24 گھنٹوں کے دوران لاہور سمیت صوبہ بھر سے 57 ملزمان گرفتار، 60 مقدمات درج، کیے گئے ہیں۔ ملزمان کے قبضے سے 2636 پتنگیں، 89 چرخیاں برآمد کی گئیں۔
ترجمان پنجاب پولیس کے مطابق گذشتہ 33 روز کے دوران لاہور سمیت صوبہ بھر میں اینٹی کائٹ فلائنگ کے ایکٹ کے تحت 3437 مقدمات درج کیے گئے۔
ترجمان نے بتایا کہ پولیس ٹیموں نے صوبہ بھر سے 3562 ملزمان کو گرفتار کیا ہے۔ ملزمان کے قبضے سے 02 لاکھ 16 ہزار سے زائد پتنگیں، 14 ہزار سے زائد ڈور چرخیاں برآمد کی گئیں۔
آئی جی پنجاب ڈاکٹرعثمان انورنے سپروائزری افسران کو دھاتی ڈور و پتنگوں کے خلاف کریک ڈاؤن کی خود نگرانی کی ہدایت کی ہے۔
آئی جی پنجاب کا کہنا ہے کہ دھاتی ڈور و پتنگوں کی تیاری ، خرید و فروخت اور استعمال کے خلاف سخت کارروائی کی جائے۔ سول سوسائٹی کے تعاون سے خطرناک کاروبار میں ملوث ملزمان کو قرار واقعی سزا دلوائی جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News