ہانگ کانگ میں پہلی مرتبہ یورپی شہری جیل کی سلاخوں کے پیچھے

ویب ڈیسک

12th Apr, 2024. 08:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہانگ کانگ میں پہلی مرتبہ یورپی شہری جیل کی سلاخوں کے پیچھے

ہانگ کانگ میں چینی قوانین کے تحت پہلے یورپی شہری کو جیل کی سزا سنا دی گئی ہے۔

تفسیلات کے مطابق ہانگ کانگ میں ایک پرتگالی شہری چین کے نافذ کردہ قومی سلامتی قانون کے تحت جیل جانے والا پہلا یورپی شہری بن گیا ہے۔

جوزف جان، جسے وونگ کن چنگ کے نام سے بھی جانا جاتا ہے، پرتگالی پاسپورٹ اور ہانگ کانگ کی رہائش رکھتا ہے اور اس سے قبل برطانیہ میں مقیم تھا۔

انہیں 2022 میں اپنے اہل خانہ سے ملنے کے لیے ہانگ کانگ لوٹنے کے بعد سوشل میڈیا پر آزادی کے حق میں اور چین مخالف مواد پوسٹ کرنے پر گرفتار کیا گیا تھا۔

فروری میں جوزف جان کو علیحدگی کا مجرم قرار دیا گیا تھا اور جمعرات کو انھیں پانچ سال قید کی سزا سنائی گئی تھی۔

اس قانون کے تحت ہانگ کانگ کو چین سے الگ کرنے کی وکالت کرنے کا جرم ہے۔

41 سالہ جان اس سے قبل خود کو ہانگ کانگ انڈیپینڈنس پارٹی کہلانے والے ایک کم معروف گروپ کے سربراہ رہ چکے ہیں، جہاں وہ گروپ کے فیس بک اور دیگر سوشل میڈیا اکاؤنٹس کے ساتھ ساتھ برطانیہ میں رجسٹرڈ ویب سائٹ بھی چلاتے تھے۔

اس گروپ نے 2019 میں جمہوریت نواز مظاہروں کے بعد ہانگ کانگ پر چین کی حکمرانی میں غیر ملکی مداخلت کی وکالت کی تھی۔