خالصتان کے قیام کیلئے ریفرنڈم میں ووٹنگ کا دوسرا مرحلہ مکمل ہوا جس میں مجموعی طور پر 2 لاکھ سکھوں نے ووٹ ڈالا۔

سکھ فارجسٹس کے زیراہتمام ریفرنڈم کے پہلے مرحلے میں ایک لاکھ 27 ہزار اور دوسرے مرحلے میں 60 ہزار ووٹ پڑے۔ ریفرنڈم میں حصہ لینے والے سکھوں کی حفاظت کیلئے امریکی پولیس کے علاوہ اسنائپرز بھی موجود رہے۔

ووٹنگ کا پہلا مرحلہ خالصتان کی تحریک کے رہنما گرپتونت سنگھ پنوں کے قتل کی سازش کے چند ہفتوں بعد ہی منعقد ہوئے تھے۔  پہلے مرحلے میں وقت ختم ہوجانے کے سبب کئی ہزارسکھ اپنا ووٹ نہیں ڈال سکے تھے۔

31 مارچ کو پہلے مرحلے میں ووٹ ڈالنے سے محروم رہ جانے سکھوں کو ووٹ ڈالنے کا موقع فراہم کیا گیا تھا۔ کیلی فورنیا میں ریفرنڈم والے دن ووٹنگ کے آغاز سے قبل ہی 20 ہزار سکھ قطار لگا کر کھڑے تھے۔

ووٹ ڈالنے کے باوجود ہزاروں سکھ تمام دن سینٹر میں موجود رہے، دن بھر بھارت کے خلاف نعرے بازی کی جاتی رہی۔ 31 مارچ کو ہونے والی ووٹنگِ سینٹر کا نام بھی شہید جتھے دار کانکے رکھا گیا تھا۔

گرپتونت سنگھ پنوں کا کہنا ہے کہ شہید کانکے نے سکھوں کو حق خودارادیت دلانے کیلئے انتھک محنت کی، کونسل جنرل ایس ایف جے گرپتونت سنگھ پنوں سکھ، شہید کانکے کے راستے پرچلتے ہوئے آزادی حاصل کریں گے۔ ہم جمہوری طریقے سے نریندرمودی کی سیاسی موت چاہتے ہیں۔

سکھ رہنما کا کہنا ہے کہ بھارت سکھوں کی نسل کشی میں ملوث ہے، کانگریس کے دور میں شروع ہونے والی نسل کشی کا سلسلہ آج بھی جاری ہے، بھارت سے آزادی حاصل کرنے کیلئے سکھ ہر ممکن کوشش کریں گے۔ پنجاب ریفرنڈم کمیشن کے مطابق ریفرنڈم کا اگلا مرحلہ 28 جولائی کو کالگری کینیڈا میں ہوگا۔