عید الفطر کے تیسرے روز چھٹیوں سے لطف اندوز ہونے کے لیے سیاحوں کی بڑی تعداد نے ملکہ کوہسار مری کا رخ کرلیا۔

چیف ٹریفک آفیسر تیمور خان کے مطابق عید الفطر کے تیسرے روز ملکہ کوہسار مری میں مجموعی طور پر اب تک 22 ہزار سے زائد گاڑیاں داخل ہوچکی ہیں۔

انہوں نے کہا کہ دو طرفہ اور تنگ سڑک ہونے کے باوجود مری کی تمام شاہراہوں پر ٹریفک کی روانی برقرار ہے۔

چیف ٹریفک آفیسر کا کہنا تھا کہ پارکنگ کی کمی کے باعث گاڑیوں کو سنگل سائیڈ پر پارک کروایا جارہا ہے۔ چیف ٹریفک آفیسر تیمور خان

تیمور خان نے بتایا کہ مری کی تمام شاہرائیں ٹریفک کے لئے کھلی ہیں جب کہ سیاح اپنے سفر کو محفوظ اور خوشگوار بنانے کے لئے ٹریفک قوانین پر عمل کریں۔