صدر مملکت کا بوسنیا ہرزیگووینا کے ساتھ تجارتی اور کاروباری تعلقات فروغ دینے پر زور

ملک سعید اعوان

13th May, 2024. 08:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کا بوسنیا ہرزیگووینا کے ساتھ تجارتی اور کاروباری تعلقات فروغ دینے پر زور

اسلام آباد: صدر مملکت آصف علی زرداری سے بوسنیا ہرزیگووینا کے سفیر نے ملاقات کی ہے۔

صدرمملکت آصف علی زرداری نے بوسنیا ہرزیگووینا کے سفیر سے ملاقات میں کہا کہ بوسنیا ہرزیگووینا کے ساتھ تجارتی اور کاروباری تعلقات فروغ دینے کی ضرورت ہے۔

صدر مملکت نے کہا کہ بینک کھولنے، مقامی کرنسیوں میں تجارت اور بارڈر تجارت کو فروغ دیا جاسکتا ہے جب کہ پاکستان کے بوسنیا ہرزیگوینا کے ساتھ تعلقات تین دہائیوں پرمحیط ہیں۔

آصف علی زرداری کہتے ہیں کہ دونوں ممالک کو دوطرفہ روابط اور بات چیت جاری رکھنی چاہیے۔

اس موقع پر سفیر نے کہا کہ بوسنیا ہرزیگووینا مختلف شعبوں میں گہرے تعلقات کا خواہاں ہے جب کہ سفیر نے یواین میں سریبرینیکا پر قرارداد کے لئے پاکستان کی حمایت کی درخواست کی۔

حمایت کی درخواست پر صدر مملکت نے کہا کہ پاکستان بوسنیا کی درخواست کا احسن طریقے سے جائزہ لے گا۔