سیمنٹ سیکٹر کی برآمدات میں 45.96 فیصد کا اضافہ ریکارڈ کیا گیا ہے۔

سمینٹ سیکٹر سے اچھی خبر سامنے آئی ہے، جہاں گزشتہ سال اپریل میں سیمنٹ کی برآمدات 4 لاکھ 20 ہزار 857 ٹن رہی تھی وہی سیمنٹ کی بر آمدات میں 45.96 فیصد کا اضافہ ریکارڈ کیا گیا ہے اور سمینٹ کی برآمدات 6 لاکھ 14 ہزار 264 ٹن رہی ہے۔

رواں مالی سال کے پہلے دس ماہ جولائی تا اپریل کے دوران سیمنٹ کی بر آمدات میں 65.35 فیصد کا نمایاں اضافہ ہوا اور دس ماہ میں 5.715 ملین ٹن ایکسپورٹ رہی، گزشتہ مالی سال کے اسی عرصہ میں 3.457 ملین ٹن رہی تھی۔

سیمنٹ کی فروخت اپریل 2024 کے دوران 2.943 ملین ٹن رہی جو گزشتہ سال اپریل میں 2.951 ملین ٹن رہی تھی۔

آل پاکستان سیمنٹ مینوفیکچررز ایسوسی ایشن نے  اعدادوشمار جاری کردیے ہیں جس کے مطابق رواں مالی سال کے پہلے دس ماہ جولائی تا اپریل کے دوران سیمنٹ کی مجموعی مقامی و ایکسپورٹ فروخت 37.447 ملین ٹن رہی۔

اعدادوشمار کے مطابق گزشتہ مالی سال کے اسی عرصہ کی مجموعی فروخت 36.551 ملین ٹن سے 2.45 فیصد زائد رہی۔

اس دوران مقامی مارکیٹ میں سیمنٹ کی فروخت 31.732 ملین ٹن رہی جو گزشتہ مالی سال کے اسی عرصہ کی مقامی فروخت 33.095 ملین ٹن سے 4.12 فیصد کم ہے۔