آئندہ مالی سال کے بجٹ پر اہم اجلاس کل طلب

فہد چوہدری

28th May, 2024. 03:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئندہ مالی سال کے بجٹ پر اہم اجلاس کل طلب

اسلام آباد: وزیر اعظم شہباز شریف نے آئندہ مالی سال 2024-25 کے بجٹ پر اہم اجلاس کل طلب کرلیا۔

ذرائع کے مطابق آئندہ مالی سال 2024-25 کے بجٹ کے لیے وزیر اعظم شہباز شریف کی زیر صدارت اہم اجلاس کل جاتی امراء میں طلب کیا گیا ہے۔

ذرائع کا کہنا ہے کہ وزیر اعظم نے حکومتی معاشی ٹیم کو اجلاس میں شرکت کی ہدایت کردی ہے، اجلاس میں آئندہ مالی سال کی بجٹ تجاویز کا جائزہ لیا جائے گا۔

ذرائع نے بتایا کہ معاشی ٹیم وزیر اعظم کو بجٹ تجاویز پر بریفنگ دے گی جب کہ وزیراعظم حکومتی معاشی ٹیم کو بجٹ سے متعلق اہم ہدایات جاری کریں گے۔

ذرائع کا کہنا تھا کہ وزیر اعظم شہریوں کو ریلیف دینے کے لیے بجٹ میں اقدامات کے احکامات دیں گے جب کہ اجلاس میں وزیر خزانہ محمد اورنگزیب، وزیر پیٹرولیم مصدق ملک اور وزیر پاور اویس لغاری شرکت کریں گے۔

ذرائع نے کہا کہ وزیرتجارت جام کمال اوروزیر صنعت و پیداوار رانا تنویر حسین بھی اجلاس میں شریک ہوں گے۔

ذرائع کا مزید کہنا تھا کہ اجلاس میں وفاقی وزیر اقتصادی امور احد چیمہ شرکت کریں گے جب کہ وزیر خارجہ اسحاق ڈار کی شرکت بھی متوقع ہے۔