ترجمان سندھ حکومت و میئر کراچی مرتضیٰ وہاب نے بول نیوز کا دورہ کیا۔ اس موقع پر انھوں نے بول نیوز کے سی ای او سمیر چشتی سے ملاقات کی۔

ترجمان سندھ حکومت و میئر کراچی مرتضیٰ وہاب کی بول نیوز ہیڈ آفس آمد کے موقع پرصاحب زادہ معظم قریشی اور فیاز چاچڑ بھی ان کے ہمراہ تھے۔

بول نیوزکے ہیڈ آفس پہنچنے پربول انتظامیہ کی جانب سے میئرکراچی مرتضٰی وہاب اوردیگر مہمانوں کا استقبال کیا گیا۔

مرتضیٰ وہاب نے بول نیوز کے سی ای او سمیر چشتی اور ڈائریکٹر نیوز مصطفیٰ حسین سے ملاقات کی۔ میئرکراچی مرتضیٰ وہاب اور سی ای او سمیر چشتی کے درمیان ملاقات میں شہر قائد کی بہتری کے حوالے سے گفتگو ہوئی۔

اس موقع پر سی ای او بول نیوزسمیر چشتی نے مرتضیٰ وہاب کو یقین دلایا کے بول نیوز کراچی اور کے ایم سی کے اچھے اقدامات کو دکھائے گا۔

سی ای او سمیر چشتی نے کہا کہ بول نیوز بلدیہ عظمیٰ کراچی کے ساتھ مل کر کراچی کے لیے کام کرنا چاہتا ہے۔

ترجمان سندھ حکومت و میئر کراچی مرتضیٰ وہاب نے بول نیوز کی صحافتی خدمات کو سراہا۔

مرتضیٰ وہاب نے بول نیوز میں ملازمین کو دی جانے والی سہولیات پر خوشی کا اظہارکرتے ہوئے کہا کہ بول نیوز ایک مضبوط آواز ہے اس کی ہم قدر کرتے ہیں۔

میئر کراچی مرتضٰی وہاب کو بول نیوز ہیڈ آفس کے نیوز روم کا دورہ بھی کرایا گیا۔