پرواز کے درمیان شدید جھٹکے، 1 مسافر ہلاک، متعدد زخمی

ویب ڈیسک

21st May, 2024. 04:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرواز کے درمیان شدید جھٹکے، 1 مسافر ہلاک، متعدد زخمی

لندن سے سنگاپور جانے والی پرواز میں شدید جھٹکوں کے باعث ایک شخص ہلاک جبکہ متعدد زخمی ہو گئے ہیں۔

سنگاپور ایئرلائنز نے اپنے فیس بک پیج پر ایک بیان میں کہا کہ پرواز ایس کیو 321 کو راستے میں شدید جھٹکوں کا سامنا کرنا پڑا۔

ایئرلائن کے ترجمان نے کہا کہ ہم اس بات کی تصدیق کر سکتے ہیں کہ بوئنگ 777-300 ای آر طیارے میں متعدد زخمی اور ایک شخص ہلاک ہوا ہے۔

طیارے میں 211 مسافر اور عملے کے 18 افراد سوار تھے۔

ایئر لائن کا کہنا ہے کہ ہماری ترجیح طیارے میں سوار تمام مسافروں اور عملے کو ہر ممکن مدد فراہم کرنا ہے۔ ہم تھائی لینڈ میں مقامی حکام کے ساتھ مل کر ضروری طبی امداد فراہم کر رہے ہیں۔

بنکاک کے سورن بھومی ہوائی اڈے کے ایک ترجمان نے کہا کہ ایک میڈیکل ٹیم تیار زخمی مسافروں کو طبی امداد دینے کے لیے تیار ہے۔

سنگاپور ایئرلائنز نے یہ نہیں بتایا کہ کتنے افراد زخمی ہوئے ہیں لیکن تھائی لینڈ کی متعدد میڈیا رپورٹس میں کہا گیا ہے کہ 30 افراد زخمی ہوئے ہیں۔

سنگاپور کے وزیر ٹرانسپورٹ چی ہونگ ٹاٹ نے کہا کہ حکومت مسافروں اور ان کے اہل خانہ کو مدد فراہم کرے گی۔