Advertisement
Advertisement
Advertisement
Advertisement

کرغز ناظم الامور کی دفتر خارجہ طلبی، پاکستان کا کرغزستان سے شدید احتجاج

Now Reading:

کرغز ناظم الامور کی دفتر خارجہ طلبی، پاکستان کا کرغزستان سے شدید احتجاج
دفتر خارجہ

کرغز ناظم الامور کی دفتر خارجہ طلبی، پاکستان کا کرغزستان سے شدید احتجاج

پاکستان نے کرغز سفارتخانے کے ناظم الامور کو دفتر خارجہ طلب کرلیا۔

تفصیلات کے مطابق پاکستان نے کرغزستان میں پاکستانیوں سمیت دیگر ممالک کے طلباء کے ساتھ پیش آنے والے پرتشدد واقعات پر اسلام آباد میں تعینات کرغز سفارتخانے کے ناظم الامور کو ڈیمارش  کے لیے دفتر خارجہ طلب کر لیا۔

وزارت خارجہ کی جانب سے جاری بیان میں کہا گیا ہے کہ ڈائریکٹر جنرل وزارت خارجہ اعزاز خان نے کرغز سفارتخانے کے ناظم الامور کو طلب کیا اور انہیں کرغزستان میں زیر تعلیم پاکستانی طلباء کے خلاف واقعات کی رپورٹس پر حکومت پاکستان کی گہری تشویش سےآگاہ کیا ۔

ڈائریکٹر جنرل دفتر خارجہ نے کرغز سفارت خانے کے ناظم الامور کو کہا کہ کرغز حکومت کو پاکستانی طلباء کا تحفظ یقینی بنانے کے لیے ہر ممکن اقدامات کرنے چاہئیں۔

دفتر خارجہ کا کہنا ہے کہ حکومت پاکستان کرغزستان میں فسادات کے باعث پاکستانیوں کی حفاظت اور سلامتی کو یقینی بنانے کے لیے کرغز حکومت کے ساتھ رابطے میں ہے۔

Advertisement

ترجمان دفتر خارجہ کا کہنا ہے کہ کرغز حکام نے گزشتہ رات بشکیک میں پاکستانیوں سمیت غیر ملکی شہریوں کے خلاف تشدد کے واقعات پر افسوس کا اظہار کرتے ہوئے انکوائری کرانے اور قصورواروں کو سزا دینے کا بھی وعدہ کیا ہے۔

ترجمان دفتر خارجہ کا کہنا ہے کہ پاکستانی  سفارت خانے نے ہنگامی ہیلپ لائنز کھول دی ہیں ۔ پاکستان کے سفیر حسن علی ضیغم اعلیٰ کرغز حکام کے ساتھ  بھی قریبی رابطے میں ہیں۔

کرغزستان کی وزارت صحت کے مطابق  4 پاکستانیوں کو ابتدائی طبی امداد فراہم کر کے فارغ کر دیا گیا ہے  جبکہ   ایک پاکستانی شہری جبڑے کی چوٹ کے باعث زیر علاج ہے۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
عوام دشمن سندھ بجٹ مسترد کرتے ہیں، جماعت اسلامی
وزیراعظم شہبازشریف کا صنعت اور برآمدات میں اضافے کے لئے تاریخی قدم
پاکستان کی جانب سے امدادی سامان کی نویں کھیپ غزہ روانہ
سیف سٹی کراچی کے لیے ایک ارب 10 کروڑ روپے مختص
بجٹ برنس فرینڈلی نہیں، مسترد کرتے ہیں؛ عاطف اکرام شیخ
اپوزیشن نے سندھ کا آئندہ مالی سال کا بجٹ مسترد کردیا
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر